कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)

Share this
684shares
मुलुकी खबर
मुलुकी खबर
clock२०८३ मंसिर १, मंगलबार ०६:४४

विराटनगर । कोशी प्रदेशका विभिन्न जिल्लामा एकै दिन सोमबार १७ वटा सवारी दुर्घटना हुँदा २३ जना घाइते भएका छन् । दुर्घटनामा घाइते हुनेमध्ये अधिकांशको अवस्था सामान्य रहे पनि एक बालकको अवस्था गम्भीर छ ।

प्रहरीका अनुसार दुर्घटना मोरङ, सुनसरी, झापा र संखुवासभामा भएका हुन् । मोरङमा ९, झापामा ४, सुनसरीमा ३ र संखुवासभामा एउटा दुर्घटना भएको ट्राफिक प्रहरीले जनाएको छ ।

दुर्घटनामा मोटरसाइकल, स्कुटर, बस, कार, अटो, सिटी सफारी, भ्यान र बोलेरो संलग्न छन् । सुनसरीको रामधुनी नगरपालिका–२ तित्रीवनमा मोटरसाइकलको ठक्करबाट १० वर्षीय पवन मोची गम्भीर घाइते भएका छन् । उनको विराटनगरमा उपचार भइरहेको छ ।

अन्य दुर्घटनामा बालबालिका, महिला र पुरुष घाइते भएका छन् । उनीहरूको विभिन्न अस्पतालमा उपचार भइरहेको प्रहरीले जनाएको छ । दुर्घटनाका कारणमा तीव्र गति, मादक पदार्थ सेवन, लापरबाही, गलत तरिकाले ओभरटेक, लेन अनुशासन उल्लंघन र जथाभावी बाटो काट्नेलगायत रहेका छन् ।

केही दुर्घटनामा चालकले मादक पदार्थ सेवन गरेको पाइएको छ । प्रहरीले दुर्घटनामा संलग्न सवारीसाधन र चालकलाई नियन्त्रणमा लिएर आवश्यक अनुसन्धान तथा कारबाही अघि बढाएको छ ।

यस्तो छ दुर्घटनाको पूरा विवरण

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.