टेबल टेनिस संघ र ३६१ डिग्रीबीच सम्झौता

Share this
722shares
मुलुकी खबर
मुलुकी खबर
clock२०८१ भदौ १८, मंगलबार १२:२३

काठमाडौं । अखिल नेपाल टेबल टेनिस संघ र नेपालका लागि ३६१ डिग्रीको आधिकारिक विक्रेता ३६१ डिग्री सर्व सिद्धी इम्पेक्सका बीच सम्झौता भएको छ ।

सम्झौता अनुसार ३६१ डिग्रीले संघलाई नेपालले अन्तर्राष्ट्रिय प्रतियोगितामा सहभागी हुने खेलाडीसहितको टोलीलाई पोशाक प्रदान गर्नेछ ।

टेबल टेनिस संघका अध्यक्ष बृजेन्द्रबहादुर हमाल र ३६१ डिग्री सर्व सिद्धी इम्पेक्सका निर्देशक सरोज कार्कीले सम्झौता पत्रमा हस्ताक्षर गरे । सम्झौता ४ वर्षका लागि कायम रहने निर्देशक कार्कीले जानकारी दिए ।

लैनचौरस्थित राष्ट्रिय टेबल टेनिस प्रशिक्षण केन्द्रमा भएको सम्झौताका दौरान ३६१ डिग्रीले चीनको हाङझावमा भएको १९ औं एसियाली खेलकुदमा सहभागी टेबल टेनिस खेलाडीसहितको टोलीलाई पनि पोशाक प्रायोजन गरेको जानकारी दिइयो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.