सुशासनको सुई बालकोट र बुढानीलकण्ठतिर सोझिएपछि सरकार ढालियो : प्रचण्ड

Share this
775shares
मुलुकी खबर
मुलुकी खबर
clock२०८१ भदौ २९, शनिबार १७:३२

विराटनगर । पूर्वप्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आफू सरकारमा रहँदा राज्यको नेतृत्वमा बस्नेहरूले गरेको भ्रष्टाचारविरूद्द कदम चालेको दोहोर्याएका छन् ।

मोरङको ग्रामथानस्थित नेताचोकमा आयोजित पार्टी प्रवेश तथा वृहत् जनसभामा बोल्दै उनले आफ्नो नेतृत्वमा भएको सरकारले सुशासनको पक्षमा, भ्रष्टाचारविरूद्द, सामाजिक न्यायको क्षेत्रमा र आर्थिक समस्या समाधान गर्ने जमर्को गरेको बताए । मुलुकमा आर्थिक क्रान्ति गर्न भारतमा १० हजार मेगावाट बिजुली बेच्ने सहमति गरेको, पञ्चेश्वर परियोजना अगाडि बढाउन पहल गरेको, चीन भ्रमणको क्रममा बीआरआई परियोजना ल्याउने लगायतका सम्झौता गरेको उनको भनाइ छ ।

इटाली र राष्ट्रसंघको महासभामा गरेको सम्बोधनको विश्वमा चर्चा भएको र त्यसले नेपालको छविमा सुधार आएको दाबी प्रचण्डको छ । नक्कली भुटानी शरणार्थी प्रकरणमा बेचन झा पक्राउ परेर सुशासनको सुई बालकोट र बुढानीलकण्ठ तिर सोझिएपछि सरकार ढालिएको उनको जिकिर छ ।

तर, आफू सरकारबाट निस्किँदा पनि बिजेताको भावमा जनतामा आएको बताउँदै प्रचण्डले सरकारमा रहनेहरूको भने डरले गएको सातो अझै नफर्किएको दाबी गरे । अहिलेको सरकार बन्ने गठबन्धनलाई उनले तथाकथित गठबन्धन भएको आरोप लगाए ।

पर्यटन व्यवसायीको निर्वाचनमा नेपाली कांग्रेस र एमालेको गठबन्धनलाई माओवादी एक्लैले चुनाव जितेर इतिहास रचेको भन्दै प्रचण्डले ग्रामथान गाउँपालिकाको हुन लागेको उपनिर्वाचनमा काङ्ग्रेस–एमाले मिले पनि माओवादीले जित्नु पर्ने बताए । उनले जनताको अपार समर्थन बढ्दै गएको भन्दै ८४ को निर्वाचनमा माओवादीलाई ६४ सालको अवस्थामा पुर्याउने दाबी गरे । भूमाफिया, भ्रष्टाचार, मिटरब्याजीहरूको विरूद्दमा काम गरेकै कारण माओवादी ठूलो पार्टी बन्ने दाबी उनको छ ।

अहिलेको सरकार भ्रष्टाचारको भयबाट बनेकाले छुट्टयाइएको बजेट पनि दुरूपयोग हुनसक्ने बताए । दुईतिहाइको सरकार छ भनेर दम्भ देखाए भने बंगलादेश हेर्दा हुन्छ भनेर भनेको भन्दै उनले शतप्रतिशत मत ल्याएको सद्दाम हुसेनको उदाहरण हेर्न सुझाव दिए ।

एमालेले आफूले भनेको कुरालाई बंग्याएर भ्रम फिँजाउन खोजेको भन्दै सरकारले, जनताको र राष्ट्रको विरूद्द भ्रष्टाचार मात्रै गरिरहे जनताले देखाउने र आफ्नो पार्टी पनि जनतामै जाने प्रचण्डले बताए । सरकारले कूलमान घिसिङलाई हटाउन खोजे उनीहरूले ठूलो मूल्य चुकाउने बताउँदै त्यसो नगर्न आफूले सुझाव दिएको उल्लेख गरे ।

माओवादीले लडेर आएको व्यवस्थामा बसेर माओवादीलाई नै हेला–होचो गर्न कोशिस गरे फेरि आन्दोलन उठ्ने चेतावनी उनले दिए । ‘उनीरूले सत्य र न्यायको गला रेट्ने प्रयास गरे भने दलाल र भ्रष्टहरूको विरूद्द उठ्नु पर्ने हुनसक्छ’ प्रचण्ड भन्छन् । उनले जीवनको उत्तरार्ध भएपनि जोश आएको बताए । ‘भ्रष्टाचारविरूद्द सुशासनको पक्षमा लड्ने जोश आएको छ । मरेपछि पनि बाँचिरहने बन्ने मेरो प्रयास छ,’ उनले भने ।

कार्यक्रममा पूर्वमन्त्री तथा संघीय सांसद अमनलाल मोदीले भ्रष्टाचार काण्ड जोगाउनै अहिलेको सरकार बनेको बताए । प्रचण्ड नेतृत्वको सरकारले भ्रष्टाचारका काण्डमा धमाधम कारबाही गर्न थालेपछि कांग्रेस र एमाले अत्तालिएर सरकार परिवर्तन गरेको बताए । उनले ग्रामथानमा हुन लागेको उपनिर्वाचनमा माओवादीलाई जिताउन आग्रह पनि गरे ।

विभिन्न पार्टी छाडेकाहरु कार्यक्रमको अवसर पारेर माओवादीमा प्रवेश गरेका थिए । नेपाली कांग्रेसका नेता नमोनारायण चौधरीको नेतृत्वमा उनीहरु प्रवेश गरेको माओवादीले जनाएको छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.