प्रतिबन्धित औषधि र लागुऔषधसहित ३ जना पक्राउ

Share this
650shares
मुलुकी खबर
मुलुकी खबर
clock२०८१ असोज १७, बिहीबार १६:५०
लेटाङमा महिलालाई जबरजस्ती करणी गरेको आरोपमा एक जना पक्राउ

सुनसरी । सुनसरीको धरान र बर्जुबाट प्रतिबन्धित औषधि र लागुऔषधसहित ३ जनालाई प्रहरीले पक्राउ गरेको छ ।

धरान उपमहानगरपालिका-८ बाट प्रतिबन्धित औषधिसहित २ जनालाई प्रहरीले पक्राउ गरेको छ । धरान¬–५ का २२ वर्षीय युवराज लिम्बू र १८ वर्षीय रोहित राईलाई प्रतिबन्धित औषधिसहित पक्राउ गरेको कोशी प्रदेश प्रहरी कार्यालयले जनाएको छ ।

उनीहरुलाई इलाका प्रहरी कार्यालय धरानको टोलीले तीनकुनेबाट पक्राउ गरेको हो ।

काँकरभिट्टाबाट धरान आउँदै गरेको प्रदेश १–०१–००१ ख ४१९५ नम्बरको बसको सिटमुनी झोलाभित्र प्रतिबन्धित औषधि ट्रमाडोल ४ हजार ७ सय ५० क्यापसुल फेला परेको थियो ।

धरान प्रवेश गर्ने बस चेक गर्दा उनीहरुलाई शंका लागी सोधखोज गर्ने क्रममा प्रतिबन्धित औषधि बरामद भएको हो ।

त्यस्तै, बर्जु गाउँपालिका¬–५ बाट देवानगञ्ज गाउँपालिका–१ का १८ वर्षीय ललन मेहतालाई लागुऔषध गाँजा २५ केजीसहित पक्राउ गरेको प्रदेश प्रहरी कार्यालयले जनाएको छ ।

प्रहरीका अनुसार दुहबी नगरपालिका–७ बाट १७ केजी गाँजासहित को २८ प ५८३५ नम्बरको मोटरसाइकल बरामद भएको छ ।

लागुऔषधसहित पक्राउ परेका उनीहरुको थप अनुसन्धान भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.