कोशीका निवर्तमान मन्त्री अधिकारी घरबाटै पक्राउ

Share this
746shares
मुलुकी खबर
मुलुकी खबर
clock२०८१ कात्तिक २५, आइतबार १३:४३

विराटनगर । कोशी प्रदेशका निवर्तमान आन्तरिक मामिला तथा कानुनमन्त्री लिलाबल्लभ अधिकारीलाई प्रहरीले घरबाटै पक्राउ गरेको छ ।

विराटनगर महानगरपालिका–२ स्थित घरबाट अहिले केही बेरअघि अधिकारीलाई पक्राउ गरेर विराटनगर विमानस्थलतर्फ लगिएको छ । त्यहाँबाट दिउँसो १ः५० बजेतिर काठमाडौं लैजाने तयारी छ । अदालतबाट अनुमति लिएर उनलाई पक्राउ गरिएको प्रहरीले जनाएको छ । सादा पोसाकका प्रहरीले आइतबार (आज) बिहानैदेखि अधिकारीको घर घेरा हालेका थिए ।

पक्राउका लागि सहजीकरण गर्न काठमाडौं प्रहरी परिसरबाट आएको टोलीसँग मोरङ प्रहरी प्रमुख एसपी नारायण चिमरिया पनि पुगेका थिए । अधिकारीले आफूविरुद्ध लागेको आरोपको अनुसन्धानमा प्रहरीलाई सहयोग गर्ने बताउँदै आएका छन् । उनी आजै दिउँसो १ः५० बजेको यति एयरलाइन्सको जहाजमार्फत काठमाडौं जाने तयारीमा थिए ।

स्रोतका अनुसार आफू अनुसन्धानमा सहयोग गर्न तयार रहेको निवेदनसहित काठमाडौंस्थित प्रहरीको सम्पर्कमा जान लागेका थिए । तर, प्रहरीले बिहानैदेखि घरमा घेरा हालेर उनलाई पक्राउ गरेको हो ।

जापान भ्रमणमा जाने नाममा मानव तस्करी गरेको आरोप अधिकारीमाथि लागेको छ । तर, अहिलेसम्म विकसित घटनाक्रमले भने मानव तस्करीको जालोमा अधिकारी ‘अन्जान’मा परेको देखिन्छ । उनले जापानबाटै प्रहरी अधिकारीलाई सम्पर्क गरेर घटनाको जानकारी दिएका थिए ।

प्रहरीले पक्राउ गर्नसाथ अधिकारीले आफू अनुसन्धानमा सहयोग गर्न गएको बताए । प्रहरीले पक्राउ गर्दै गर्दा उनले भने, ‘म अनुसन्धानमा सहयोग पुर्याउन हिँडेको हुँ । कानुन भन्दामाथि कोही छैन । अनुसन्धानमा सहयोग पुर्याउनु मेरो कर्तव्य र दायित्व हो । अनुसन्धानबाट सत्यतथ्य थाहा हुन्छ ।’

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.