भूमिगत नेकपा (माओवादी)का महासचिव गौरव पक्राउ

Share this
758shares
मुलुकी खबर
मुलुकी खबर
clock२०८१ मंसिर २, आइतबार १०:४०

काठमाडौं । भूमिगत नेकपा (माओवादी)का महासचिव गौरव पर्साबाट पक्राउ परेका छन् ।

पक्राउ परेका गौरव पार्टीका प्रमुख व्यक्ति भएको प्रहरी स्रोत बताएको छ । भूमिगत रुपमा पार्टी गठन गरी चन्दा उठाउने र बम पड्काउने धम्की दिँदै आएका थिए । प्रहरीले झापा र कैलालीमा बम पड्काएको आरोपमा उनलाई पर्साबाट पक्राउ गरेको हो ।

प्रहरीले वीरगन्जमा व्यापारीहरुसँग चन्दा उठाइरहेका बेला पक्राउ गरेको जनाएको छ ।गौरवको पार्टी अहिले भूमिगत रहेको छ ।

प्रहरीले सकेसम्म गौरवको सबै टिमलाई पक्राउ गरेर सार्वजनिक गर्ने तयारी गरेको भए पनि थप अर्को एक जना मात्रै नियन्त्रणमा लिएको स्रोतले जनाएको छ । ‘गौरव नियन्त्रणमा छन्, अन्य केही व्यक्तिको पनि खोजी हुँदैछ’, प्रहरी उच्च स्रोतले भन्यो । उनको पक्राउ बारे प्रहरीले जानकारी दिन चाहेको छैन ।

गौरव नेतृत्वको नेकपा (माओवादी)ले केही दिनअघि मात्रै जनसत्ता गठन गरेको घोषणा गरेको थियो । पार्टीको केन्द्रीय समितिको दोस्रो विस्तारित बैठकले ५ कमाण्ड इन्चार्जसहित जनसत्ताको घोषणा गरेको थियो ।

केन्द्रीय जनसत्ता प्रमुखमा शेखर चयन गरेको जनाएको थियो । पूर्वी कमाण्ड इन्चार्जमा शेखर सिंह, मध्य कमाण्ड इन्चार्जमा अग्नी, मध्यपश्चिम कमाण्ड इन्चार्जमा जावेल, पश्चिम कमाण्ड इन्चार्जमा दीपक, सुदूरपश्चिम कमाण्ड इन्चार्जमा दानसिंहलाई जिम्मेवारी तोकिएको जनाएको थियो ।

जनस्वास्थ्यमा रमाकान्त, अखिल नेपाल ट्रेड युनियन महासंघको संयोजकमा बाबुराम, नेपाल मुस्लिम मुक्ति मोर्चामा कलिमुद्धीन, प्रवास विभागमा समर्पण, अनेमसंघमा सरस्वती चौधरी र नेपाल आदिवासी जनजाति महासंघमा रमालाई जिम्मेवारी दिइएको छ ।

बैठकले मंसिर ८ लाई जनमुक्ति सेना तथा जनसत्ता स्थापना दिवसको अवसरमा मनाउने निर्णय गरेको भए पनि महासचिव गौरव आफै पक्राउ परेका छन् ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.