कोशीको स्वास्थ्य मन्त्रालयमा ४१ करोड बेरुजू

Share this
642shares
मुलुकी खबर
मुलुकी खबर
clock२०८१ मंसिर १३, बिहीबार १३:५२

विराटनगर । कोशी प्रदेशको स्वास्थ्य मन्त्रालयमा ४१ करोड ३९ लाख रुपैयाँ बेरुजू देखिएको छ ।

स्वास्थ्य मन्त्रीकोसमेत जिम्मेवारी सम्हालिरहेका भौतिक पूर्वाधार मन्त्री भूपेन्द्र राईले पत्रकार सम्मेलन गर्दै मन्त्रालयमा ४१ करोड ३९ लाख १३ हजार रुपैयाँ बेरुजू भएको जानकारी दिएका हुन् ।

यो बेरुजू बढ्दो क्रममा छ ।

गत आर्थिक वर्षमा मात्रै मन्त्रालमा १२ करोड ५ लाख बेरुजू देखिएको थियो । अघिल्लो वर्ष २०७९–८० मा ११ करोड २७ लाख रुपैयाँ बेरुजू देखिएको थियो ।

मन्त्री राईका अनुसार ३ करोड ५ लाख एक हजार ३२८ रुपैयाँ असुल गर्नुपर्ने बेरुजू हो ।

नियमित गर्नुपर्ने बेरुजू ३७ करोड ६२ लाख ७८ हजार रुपैयाँ छ ।

पेस्की बेरुजू भने ७१ लाख ३३ हजार रुपैयाँ छ ।

मन्त्री राईले मन्त्रालयको बेरुजू कम गर्नका लागि प्रयास भइरहेको जानकारी दिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.