
विराटनगर । विराटनगरको बाल संसार इङ्लिस बोर्डिङ स्कुलमा सरस्वती पूजाको दिन सोमबार विज्ञान प्रदर्शनी गरिएको छ ।
विद्यालयमा विभिन्न समूह बनाएर विद्यार्थीले तयार गरेका हस्तकलाका सामाग्रीहरु प्रदर्शनीमा राखिएको हो । विद्यार्थीले बनाएका सामग्रीहरुको अवलोकन गरी अभिभावकहरुले मन परेको समूहलाई ‘भोटिङ’ गर्ने प्रबन्ध विद्यालयले गरेको थियो ।
विद्यार्थीमा रहेको प्रतिभालाई उजागर गर्ने अवसरका रूपमा प्रत्येक वर्ष सरस्वती पूजाका अवसरमा विज्ञान प्रदर्शनी गरिँदै आएको स्कुलका अर्डिनेटर सुमन तामाङले जानकारी दिए । उनका अनुसार स्कुलले सरस्वती पूजा, नयाँ भर्ना भएका विद्यार्थीहरुको अक्षरारम्भ, नृत्यलगायतका कार्यक्रमहरु गरेको छ ।

























