
काठमाडौं । सुनको मूल्य शुक्रबार (आज) तोलामा १ हजार रुपैयाँ घटेकाे छ ।
स्थानीय बजारमा बिहीबार प्रति तोला १ लाख ७१ हजारमा खरिदबिक्री भएको सुनको मूल्य आज तोलामा १ हजार घट्दै १ लाख ७० हजार भएको नेपाल सुनचाँदी व्यवसायी महासंघले जनाएको छ ।
त्यस्तै, चाँदीको मूल्य ५ रुपैयाँ प्रति तोलामा घटेको छ । आज चाँदी प्रति तोला १ हजार ९ सय ९० रुपैयाँ रहेको छ । बिहीबार चाँदीको मूल्य प्रति तोला १ हजार ९ सय ९५ रुपैयाँ थियो ।

























