मोरङको रंगेलीमा आयोजित आँखा शिविरमा आक्रमण, अस्पतालका कर्मचारीसहित ४ जना घाइते

Share this
678shares
मुलुकी खबर
मुलुकी खबर
clock२०८१ चैत ४, सोमबार २२:१३

विराटनगर । मोरङको रंगेलीमा आँखा शिविर चलिरहेको स्थानमा सोमबार अपरान्ह स्थानीयले आक्रमण गरेका छन् । रंगेली नगरपालिका–७ पिपल चोकमा आँखा शिविर सञ्चालन भइरहेका बेला आक्रमण भएको हो ।

प्रहरीका अनुसार विराटनगरको रानी आँखा अस्पतालले शिविरको आयोजना गरेको थियो । शिविरमा बिरामीको आँखा परीक्षण भइरहेका बेला मदिरा सेवन गरेर आएकाहरुले अपरान्ह ५ बजेतिर आक्रमण गरेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । उनका अनुसार अक्रमणबाट आँखा अस्पतालका कर्मचारीसहित ४ जना घाइते भएका छन् ।

प्रहरीका अनुसार अस्पतालका मार्केटिङ इन्चार्ज विराटनगर महानगरपालिका–१५ का अमर साह, मार्केटिङ अफिसर विराटनगर–३ का ३२ वर्षीय सुमन बस्नेत, सवारी चालक विराटनगर–१५ का २९ वर्षीय श्रवण मण्डल घाइते भएका छन् । आक्रमणमा परेर रंगेली–७ का स्थानीय ४५ वर्षीय अरुणकुमार मण्डलसमेत घाइते भएको प्रहरीले जनाएको छ । अस्पतालले अरुणकै घरको सटरमा आँखा शिविर आयोजना गरेको थियो ।

शरीरका विभिन्न भागमा चोट लागेका घाइतेहरुको रंगेली अस्पतालमा उपचार भइरहेको छ । अवस्था सामान्य र खतरामुक्त रहेको प्रहरीको भनाइ छ । उनीहरुमाथि रंगेली–७ का ४२ वर्षीय धीरेन मण्डल, २७ वर्षीय रामधना मण्डललगायतले आक्रमण गरेको डीएसपी जोशीले बताए ।

आक्रमणमा संलग्नमध्ये धीरेन र रामधनालाई पक्राउ गरेर इलाका प्रहरी कार्यालय रंगेलीको हिरासतमा राखिएको छ । ‘आँखा शिविर चलिरहेका बेला मादक पदार्थ सेवन (मापसे) गरेर आएकाहरुले सुरुमा आँखा परीक्षण गर्न लगाएछन् । त्यसपछि निहुँ खोजेर झगडा गर्दा थालेको पाइयो । अनि एक्कासि आक्रमण गर्न थालेछन्,’ प्रहरी स्रोतले भन्यो ।

आक्रमण हुन थालेपछि आँखा शिविर आयोजना गरिरहेकाहरुले भागेर ज्यान बचाएको प्रहरीले जनाएको छ । होहल्ला हुन थालेपछि भालालगायतका घरेलु हतियारसहित स्थानीय आक्रमणमा उत्रिएका थिए । उनीहरुले अस्पतालका कर्मचारी र स्वास्थ्यकर्मीलाई लक्षित गरेर आक्रमण गरेको प्रहरीको भनाइ छ ।

अस्पतालका मार्केटिङ इन्चार्ज अमर साह र ओप्टोमेट्रिस्ट सन्तोष यादवसहित ५ जनाको टोली आँखा शिविर सञ्चालनका लागि रंगेली पुगेको थियो । टोलीले १ सय २० जनाको आँखा परीक्षण गरिसकेपछि घटना भएको हो । आँखा परीक्षण गर्नेमध्ये २२ जनालाई थप उपचार एवं शल्यक्रियाका लागि रेफरसमेत गरिएको थियो ।

आक्रमणपछि आँखा शिविर बिथोलिएको छ । घटनाको थप अनुसन्धान भइरहेको डीएसपी जोशीले बताए ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.