मोरङको रतुवामाईमा सम्पत्तिका लागि नातामै छुटाइए दाजु, वडाध्यक्षले गरे किर्ते

Share this
752shares
मुलुकी खबर
मुलुकी खबर
clock२०८१ चैत १८, सोमबार ०८:३०

विराटनगर । मोरङको रतुवामाई नगरपालिका–५ का वडाध्यक्षले किर्ते गरेर नाता प्रमाणित गरिदिएका छन् ।

वडाध्यक्ष सोमनाथ कार्कीले पारिवारिक सम्पत्ति बाँडफाँटका क्रममा किर्ते गरेर नाता प्रमाणित गरिदिएको रहस्य बाहिर आएको हो । स्वः रुस्तम अली मियाँका ३ जना छोरा थिए । सम्पत्ति बाँडफाँट गर्दा एउटा छोराका सन्तानलाई छुटाएर २ छोराको परिवारले मात्रै सम्पत्ति उपभोग गर्न पाउनेगरी नाता प्रमाणित गरिदिएको पाइएको छ ।

रतुवामाई– ५ गोविन्दपुरका मियाँले मोहीबापत मनमाया मैनालीबाट ४ बिघा जग्गा पाएका थिए । उनका ३ छोरा हुन् । मियाँसहित २ छोराको मृत्यु भइसकेको छ । वडाध्यक्ष कार्कीले रुस्तमका २ छोरा मुहम्मद नवाब उदिन मियाँ र स्वः इरफान अली मियाँ मात्रै रहेको भनेर २०८० पुस २४ गते नाता प्रमाणित गरिदिएको फेला परेको छ ।

सोही नाता प्रमाणितका आधारमा रुस्तमका २ सन्तानले मात्रै मोहियानी हकबापतको जग्गा पाएका छन् । वडाध्यक्षले २ जनालाई मात्रै छोरा करार गर्दा रुस्तमका जेठा छोरा स्वः नाजीमुदिन मियाँको परिवारले अंश नै पाएन ।

नाजीमुदिनका नाति महम्मद अलन्जिरका अनुसार वडाध्यक्षको मिलेमतोमा उनको पुस्तालाई नै अंशबाट बञ्चित गरिएको छ । नाजीमुदिनको मृत्यु २०७६ असार २७ गते भएको थियो । नाजीमुदिनका सन्तानलाई अंशबाट वञ्चित गर्नेगरी वडाले कागजात दिएको नाति अलन्जिरले बताए ।

‘वडा कार्यालयले कसरी सर्जमिन गरेर नाता प्रमाणित गर्याे थाहा भएन । हाम्रो परिवारलाई नै अगल बनाइदियो । वडाले मिलेमतोमा गर्याेजस्तो लाग्छ,’ अलन्जिरले भने । उनका अनुसार वडाध्यक्ष कार्कीलाई रुस्तम अलीका ३ छोरा भएको जानकारी थियो ।

तर, उनले २ छोरा मात्रै भएको प्रमाणपत्र दिए । जसका कारण परिवार समस्यामा परेको अलन्जिरले बताए । मोहीबापत पाएको जग्गा महँगोमध्येमा पर्छ । वडाध्यक्षका कारण एउटा छोराको परिवार सम्पत्तिको हकबाट अलग भएपछि न्यायका लागि त्यो परिवार धाइरहेको छ ।

गोविन्दपुरकी मनमाया मैनालीको नाममा रहेको ९ बिघा ४ कट्ठा जग्गामा रुस्तम अली मियाँको मोहियानी हक थियो । मृत्युपछि उनले ४ बिघा ४ कट्ठा १८ धुर मोहियानी जग्गा पाए । मोहियानी लगत अनुसार वडा कार्यालयले पत्र पठाएपछि भूमि सुधार तथा मालपोत कार्यालय विराटनगरले गत वर्ष फागुन रुस्तमको भागमा परेको जग्गा उनका २ छोराको नाममा कित्ताकाट गरिदिएको थियो ।

रतुवामाई– ५ का वडाध्यक्ष कार्की नाताप्रमाणित गर्दा कमजोरी भएको बताउँछन् । सर्जमिनका लागि जाँदा एउटा छोराको परिवार जीवित नरहेको भन्दै २ छोराको परिवारले ढाँटेको उनले बताए । ‘सर्जमिनका लागि जाँदा उनीहरुले ढाँटे । आफन्त छैनन्, मरेर गइसके भनेपछि २ जना छोरा रहेको नाता प्रमाणित भयो । अर्काे पक्ष आएपछि मैले कानुनी रुपमा जानु भन्ने सल्लाह दिएको छु,’ वडाध्यक्ष कार्कीले भने ।

वडा कार्यालयबाट सर्जमिन गर्दा कमजोरी भएको बताउँदै उनले भने, ‘उहाँहरु कानुनी प्रक्रियामा जानु भयो भने सहयोग गर्छु ।’ कार्कीका अनुसार अंश पाउने परिवार र अंश पाउन छुटेको परिवारबीच गतवर्ष विवाद भएपछि सर्जमिनमा नाम छुटेको विषय बाहिर आएको थियो ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.