
काठमाडौं । सरकारले संघीय संसद् हिउँदे अधिवेशन अन्त्य गर्न रास्ट्रपतिसमक्ष सिफारिस गर्ने निर्णय गरेको छ ।
सोमबार अबेर बसेको मन्त्रिपरिषद् बैठकले आज मङ्गलवार राती १२ बजेदेखि अन्त्य गर्न राष्ट्रपति समक्ष सिफारिस गर्ने निर्णय गरेको हो । १८ माघबाट संसद्को हिउँदे अधिवेशन सुरु भएको थियो ।
संविधानको धारा ९३ अनुसार संसद् अधिवेशनको आह्वान र अन्त्य मन्त्रिपरिषद्को सिफारिसमा राष्ट्रपतिले गर्ने व्यवस्था रहेको छ ।
























