
काठमाडौं । गत चैत १५ गते काठमाडौंको तीनकुनेमा भएको घटनाको छानविनका लागि राष्ट्रिय प्रजातन्त्र पार्टी (राप्रपा) ले राष्ट्रिय मानव अधिकार आयोगको ध्यानाकर्षण गराएको छ ।
सरकारको तर्फबाट भएको दमन र आफ्ना पार्टीका नेताविरुद्ध लगाइएको मुद्दाको विषयमा मानव अधिकार आयोगको ध्यानाकर्षण गराएको हो ।
राप्रपाको प्रतिनिधिमण्डलले आयोगका अध्यक्ष तपबहादुर मगर, सचिव मुरारी खरेल लगायतसँग छलफल गरेको थियो । छलफलपछि आयोगलाई ध्यानाकर्षण पत्र बुझाइएको राप्रपा प्रवक्ता मोहनकुमार श्रेष्ठले जानकारी दिए ।
























