रास्वपामा कार्यवाहक सभापतिको जिम्मेवारी डीपी अर्याललाई

Share this
735shares
मुलुकी खबर
मुलुकी खबर
clock२०८१ चैत २३, शनिबार ०६:१३

काठमाडौं । पार्टी अध्यक्ष रवि लामिछाने पक्राउ परेपछि राष्ट्रिय स्वतन्त्र पार्टी (रास्वपा)ले कार्यवाहक सभापतिको जिम्मेवारी डीपी (डोलप्रसाद) अर्याललाई दिएको छ ।

अर्याल रास्वपाका उपसभापति हुन् । केन्द्रीय सचिवालय बैठकले अर्याललाई कार्यवाहक सभापतिको जिम्मेवारी दिने निर्णय गरेको छ ।

उच्च अदालत तुलसीपुरकाे बुटवल इजलासले थुनामा राख्न आदेश दिएसँगै रास्वपा सभापति एवं पूर्वगृहमन्त्री लामिछाने शुक्रबार साँझ पक्राउ परेका छन् । लामिछाने पक्राउ परेलगत्तै रास्वपाको सचिवालय बैठक बसेको थियो ।

बैठकले अदालत र अदालतको निर्णयको सदैव सम्मान गर्दै अदालत, संविधान र कानुनमा आधारित रही अर्को तह र ढोकाबाट न्यायका लागि अघि बढ्ने निर्णय गरेको छ । लामिछाने पक्राउ परे पनि शनिबार दिउँसो २ बजे चितवनको भरतपुरमा आयोजना हुने पार्टीको सभा भने नरोकिने भएको छ ।

सभालाई शान्त र सौम्य बनाउन बैठकले निर्देशनसमेत दिएको छ । लामिछानेलाई भने शनिबार विमानमार्फत भैरहवा लगिने भएको छ । शुक्रबार साँझ पक्राउ गरेर उनलाई जिल्ला प्रहरी परिसर काठमाडौंको हिरासतमा राखिएको थियो ।

उनलाई सहकारीको रकम ठगी गरेको कसुरमा पुर्पक्षका लागि थुनामा पठाउन अदालतले आदेश दिएको हो । जिल्ला अदालत रुपन्देहीले १ करोड रूपैयाँ धरौटीमा छाड्नलाई दिएको आदेश उल्टाउँदै उच्चका न्याधीशद्वय रमेश ढकाल र स्वीकृति पराजुलीको इजलासले थुनामा पठाउन आदेश दिएको थियो ।

बुटवलको सुप्रिम सहकारीको रकम अपचलन गरेको प्रकरणमा रुपन्देही जिल्ला अदालतले १ करोड धरौटीमा छाड्न आदेश दिएको थियो । तर, आदेशमा चित्त नबुझाएर लामिछाने आफैंले उच्च अदालतमा निवेदन दिएका थिए । आफैंले दिएको निवेदनउपर सुनुवाइ गर्दै उच्चले थुनामा राख्न आदेश गरेको हो ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.