पिकअप दुर्घटनामा १ बालिकासहित २ जनाको मृत्यु, २२ जना घाइते

Share this
667shares
मुलुकी खबर
मुलुकी खबर
clock२०८१ चैत २६, मंगलबार ०६:२५

रूपन्देही । रूपन्देहीको लुम्बिनी सांस्कृतिक नगरपालिका–७ भरवलिया गाउँमा पिकअप भ्यान दुर्घटना भएको छ । दुर्घटनामा १ बालिकासहित २ जनाको मृत्यु भएको प्रहरीले जनाएको छ ।

प्रहरीका अनुसार सोमबार साँझ दुर्घटना हुँदा २२ जना घाइते भएका छन् । लु १ च २७६३ नम्बरको पिकअप भ्यान शिवगढिया मोडमा दुर्घटनाग्रस्त हुँदा गैँडहवा गाउँपालिका–१ शिवपुरवाकी १२ वर्षीया अस्मिता यादव र शुद्धोधन गाउँपालिका–६ मानमटेरियाकी ४८ वर्षीया जानमती यादवको मृत्यु भएको हो ।

रूपन्देही प्रहरीका प्रवक्ता डीएसपी सुरज कार्कीका अनुसार तीव्र गतिमा गुडिरहेको पिकअप शिवगढिया मोडमामा पुगेपछि आफैं अनियन्त्रित भएर सडकबाट पल्टिएको थियो । घाइतेको विभिन्न अस्पतालमा उपचार भइरहेको प्रहरीले जनाएको छ ।

प्रहरीका अनुसार भ्यानमा २४ जना सवार थिए । लुम्बिनीस्थित मायादेवी मन्दिरबाट मुण्डन संस्कार सकेर फर्कने क्रममा भ्यान दुर्घटनामा परेको प्रहरीको भनाइ छ ।

दुर्घटनालगत्तै प्रहरीले भ्यान चालक कपिलवस्तुको शुद्धोधन गाउँपालिका–४ बिठुवाका २६ वर्षीय अशोक पासीलाई प्रहरीले नियन्त्रणमा लिएको छ । सामान बोक्न प्रयोग गरिने पिकअप भ्यानमा क्षमताभन्दा बढी यात्रु सवार रहेको पाइएको छ ।

भारवहन क्षमताभन्दा बढी सवार रहेकाले दुर्घटना भएको प्रहरीको प्रारम्भिक अनुसन्धानबाट खुलेको छ । डीएसपी कार्कीले घटनाको थप अनुसन्धान भइरहेको जनाए ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.