सवारीसाधनको संयुक्त अनुगमन

Share this
701shares
मुलुकी खबर
मुलुकी खबर
clock२०८१ चैत २८, बिहीबार ०७:१९

विराटनगर । सवारी दुर्घटना न्यूनीकरण गर्नका लागि जिल्ला ट्राफिक कार्यालय मोरङ र यातायात कार्यालय विराटनगरले संयुक्त रुपमा सवारीसाधनको अनुगमन थालेका छन् ।

पछिल्लो समय दुर्घटना बढ्दै गएसँगै सवारीसाधनसँग प्रत्यक्ष जोडिने २ संस्था यातायात कार्यालय र ट्राफिक प्रहरीको समन्वयमा बुधबारदेखि अनुगमन थालिएको हो । अनुगमनको सुरुवात विराटनगर–रंगेली सडक खण्डअन्तर्गत कटहरीबाट गरिएको थियो ।

विराटनगर–रंगेली र विराटनगर–धरान सडक खण्डमा चल्ने सवारीसाधनको अनुगमन गरिएको मोरङका ट्राफिक प्रमुख इन्स्पेक्टर राजन लम्सालले जानकारी दिए । अनुगमनका क्रममा अधिकांश सवारीसाधनमा कैफियत भेटिएको उनले बताए ।

ट्राफिक प्रमुख लम्सालले भने, ‘यातायात कार्यालयसँगको अनुगमनमा विशेष गरेर सवारीसाधनको ‘मेकानिकल’ पक्षलाई हेरका थियौं । विभिन्न समस्या रहेको भेट्यौं ।’ सार्वजनिक बस, ट्रक, ट्याक्टर, मोटरसाइकल मात्रै नभएर स्कुल बसमा पनि समस्या देखिएको उनको भनाइ छ ।

स्कुल बसमा भेटिएका कैफियतमा चालकले चालक अनुमतिपत्र (लाइसेन्स) र सवारी दर्ता किताब (ब्लु बुक) साथमा नबोक्ने, बालबालिकालाई असर पुग्ने प्रेसर हर्न राख्ने, पछाडिको बत्ती र संकेत बत्ती नबल्नेजस्ता समस्याहरु भेटिएको ट्राफिक प्रमुख लम्सालले बताए । उनका अनुसार सार्वजनिक सवारीसाधनमा पनि समस्या रहेको थियो ।

चालकले लाइसेन्स र ब्लु बुक साथमा नबोक्ने, नवीकरण नगर्ने, सवारीसाधनमा क्षमताभन्दा बढी यात्रु बोक्ने, सवारीसाधनको बत्ती नबल्ने, प्रेसर हर्न राख्ने, सामान बोक्दा नछोप्नेजस्ता समस्याको पहिचान भएको छ । चेक जाँच गर्दा कैफियत भेटिएका ११ वटा सवारीसाधनलाई कारबाही गरिएको र केहीलाई सचेत गराएर छाडिएको ट्राफिक प्रहरीले जनाएको छ ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.