
झापा । झापाको दमकमा सत्तारुढ पार्टी नेकपा (एमाले) को जनजारण सभा जारी छ । कोशी प्रदेशले आज (शनिबार) सभा आयोजना गरेको हो ।
प्रदेशस्तरीय जनजागरण सभामा विभिन्न जिल्लाबाट नेता कार्यकर्ता भेला भएका छन् । बाक्लो उपस्थितिका बीच पार्टीका अध्यक्ष एवं प्रधानमन्त्री तथा एमाले अध्यक्ष केपी शर्मा ओलीलगायतले सम्बोधन गर्ने कार्यक्रम छ ।
सभामा पार्टीका भातृ संगठन, जनवर्गीय संगठनहरु र पार्टीका शुभेच्छुकहरुको उल्लेख्य सहभागिता छ ।
यसअघि एमालेले हिजो (शुक्रबार) बुटवलमा यस्तै जनजागरण सभाको आयोजना गरेको थियो । प्रतिगामी चलखेल र गणतन्त्रविरोधी हर्कतको भण्डाफोर गर्नका लागि सभाको आयोजना गरेको एमालेले जनाएको छ ।

























