१७ हजारको हत्याकाे कुरा छाडौं, १ जनालाई पनि पिटेको छैन : प्रचण्ड

Share this
695shares
मुलुकी खबर
मुलुकी खबर
clock२०८१ चैत ३०, शनिबार १९:०१

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई  जनयुद्धका क्रममा मृत्यु भएका १७ हजार मानिसको हत्याको आरोप लागिरहन्छ । केही समयअघि उनले आफूले पाँच हजारकाे नैतिक जिम्मेवारी लिने बताएका थिए । शनिबार भने प्रचण्डले व्यक्तिगत रुपमा आफूले एक जनालाई पनि नपिटेको दाबी गरेका छन् ।

शनिबार संक्रमणकालीन न्यायसम्बन्धी खिमलाल देवकोटाले लेखेको पुस्तक विमोचन कार्यक्रममा बोल्दै प्रचण्डले जनयुद्धको नैतिक जिम्मेवारी लिने बताउँदै आफूले व्यक्तिगत रुपमा एक जनालाई पनि नपिटेको बताएका हुन् ।

मुलुकलाई इतिहासको पछाडितिर धकेल्न चाहनेहरूले माओवादी केन्द्र र विशेषगरी आफूमाथि १७ हजार मानिस मारेको आरोप लगाइरहेको उनको गुनासो छ ।

‘यो त युद्धको नियमअनुसार युद्धमा भएको कुरा हो । राज्य पक्षले कति मार्‍यो, विद्रोहीले कति के गर्‍यो भन्नेकुरा त अध्ययन गर्न सकिन्छ, अनुसन्धान गर्न सकिन्छ,’ उनले भने,‘ १७ हजार माओवादीले, अझ आज भोलि त भन्ने प्रचण्डले, हत्याको कुरा छाड्दिनुस् मैले अहिलेसम्म एक जनालाई पिटेको पनि छैन।’

युद्धको नेतृत्व आफूले लिएको बताउँदै उनले भने,‘ शान्ति प्रक्रियामा आएपछि जनयुद्धको नैतिक जिम्मेवारी लिन्छु भनेकै छु ।’

‘ यति धेरै गलत आरोप लागिराख्दा विभिन्न बुद्धिजीवी, राजनीतिक दल, सात राजनीतिक दल कोही पनि बोलेको देखिएको छैन,’ उनले भने ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.