कञ्चनजंघा आरोहणको ७० वर्ष पूरा, हीरक महोत्सव गरिँदै

Share this
602shares
मुलुकी खबर
मुलुकी खबर
clock२०८२ बैशाख ५, शुक्रबार ०७:३१

ताप्लेजुङ । ताप्लेजुङमा रहेको कञ्चनजंघा हिमालको आरोहण सुरु भएको ७० वर्ष पूरा भएको छ । कञ्चनजंघा विश्वको तेस्रो र नेपालको दोस्रो अग्लो शिखर हो ।

कञ्चनजंघामा पहिलो सफल आरोहणको ७० औं वार्षिकोत्सवका अवसरमा ताप्लेजुङमा ‘कञ्चनजंघा हीरक महोत्सव–२०८२’ आयोजना गरिँदै छ । आज (शुक्रबार)देखि सुरु हुने महोत्सवलाई भव्य र सभ्य हिसाबले सम्बन्न गर्न सबै तयारी पूरा भएको कञ्चनजंघा संरक्षण क्षेत्र व्यवस्थापन परिषद्को जनाएको छ ।

परिषद्को आयोजनामा हुन लागेको महोत्सव आगामी आइतबारसम्म चल्ने छ । ३ दिने महोत्सव अवधिभर कञ्चनजंघा हिमालको प्रचारप्रसार, स्थानीय उत्पादनको प्रदर्शनी र बिक्री, मौलिक खानाका परिकारको प्रवर्धन, विविध सांस्कृतिक कार्यक्रम, खेलकुद, पदयात्रा, फोटो तथा भिडियो प्रदर्शनीलगायतका विविध गतिविधि हुने परिषद्का कार्यालय सचिव मनकुमार लिम्बूले बताए ।

महोत्सवमा ताप्लेजुङका ६ जना कञ्चनजंघा आरोहीलाई सम्मान गरिने जानकारी उनले दिए । कञ्चनजंघा हीरक महोत्सवको अवसरमा पासाङ शेर्पा, ङाडा शेर्पा, लाक्पा शेर्पा, दावाछेतेन शेर्पा, मिङ्माग्यावु शेर्पा र लाक्पा शेर्पा सम्मानित हुन लागेका हुन् ।

‘कञ्चनजंघा संरक्षण क्षेत्रः प्रकृतिको उपहार, दिगो पर्यापर्यटन समृद्धिको आधार’ भन्ने नारासहित महोत्सव आयोजना गर्न लागिएको लिम्बूले बताए । महोत्सवले हिमालको संरक्षण र दिगो पर्यटन प्रवर्धनमा महत्त्वपूर्ण योगदान पुर्याउने अपेक्षा गरिएको छ ।

सन् १९५५ मे २५ मा बेलायती आरोही जो ब्राउन र जर्ज ब्याण्डले दक्षिणी मोहोडाबाट पहिलोपटक कञ्चनजंघाको सफल आरोहण गरेका थिए । सन् १९०५ देखि नै आरोहण प्रयास हुँदै आएको थियो । तर, पहिलो सफल आरोहण १९५५ मा सम्भव भएको हो ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.