सर्वोच्चले भन्यो, ‘दुर्गा प्रसाईंको अस्पतालका खाता फुकुवा गर्नू’

Share this
746shares
मुलुकी खबर
मुलुकी खबर
clock२०८२ बैशाख ८, सोमबार १९:५१

काठमाडौं । सर्वोच्च अदालतले विवादास्पद छविका मेडिकल व्यवसायी दुर्गा प्रसाईं सञ्चालक रहेको दुवै अस्पतालका खाता फुकुवा गर्न अन्तरिम आदेश जारी गरेको छ ।

प्रसाईं गत चैत १५ गते काठमाडौंको तीनकुनेमा भएको राजावादीको हिंसात्मक प्रदर्शनका कमाण्डर थिए । हिंसात्मक आन्दोलनपछि उनी फरार बनेका थिए । फरार भएपछि उनको व्यक्तिगत र अस्पतालको खाता रोक्का गरिएको थियो ।

सर्वोच्च अदालतले रोक्का गरिएका बैंक खाता फुकुवा गर्न अन्तरिम आदेश जारी गरेको हो । खाता रोक्का भएपछि बी एन्ड सी मेडिकल कलेज टिचिङ हस्पिटल एण्ड रिसर्च सेन्टर प्रा.लि र पूर्वाञ्चल क्यान्सर हस्पिटल प्रा.लिको तर्फबाट सर्वोच्चमा अलगअलग रिट दायर भएको थियो ।

अपरेशन डाइरेक्टर डा. अञ्जली कार्कीले दायर गरेको रिटको सुनुवाइ गर्दै न्यायाधीश हरिप्रसाद फुयालको इजलासले दुवै खाता फुकुवा गर्न सोमबार अन्तरिम आदेश दिएको हो । सर्वोच्च अदालतका प्रवक्ता एवं सह–रजिष्ट्रार अच्यूत कुइँकेलका अनुसार कार्कीका तर्फबाट नेपाल प्रहरी र केन्द्रीय अनुसन्धान ब्यूरो लाजिम्पाटसहित १८ र १४ जनालाई विपक्षी बनाउँदै २ वटा रिट दायर भएको थियो ।

सर्वोच्चले बैंक खाता फुकुवाका लागि अन्तरिम आदेश दिएर कारण देखाउ आदेशसमेत जारी गरेको छ । हिंसात्मक प्रदर्शनमा १ पत्रकारसहित २ जनाको मृत्यु भएको थियो ।

२० जना घाइते भएका थिए । प्रदर्शन अराजक हुँदै जाँदा तोडफोड र आगजनीका घटना भए । प्रदर्शनकारीले लुटपाटसमेत मच्चाएका थिए ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.