धरानका माओवादी नेतामाथि हर्क साम्पाङकै नेतृत्वमा आक्रमण

Share this
728shares
मुलुकी खबर
मुलुकी खबर
clock२०८२ बैशाख ९, मंगलबार १७:१७
तस्बिर : कोशी आवाज टीभी ।

विराटनगर । नेकपा (माओवादी केन्द्र) धरानका स्थानीय नेता सन्तोष लिम्बूमाथि मेयर हर्क साम्पाङ (हर्कराज राई)कै नेतृत्वमा आक्रमण भएको छ ।

धरान उपमहानगपालिकाका प्रमुख साम्पाङको एक्साहटमा उनका समर्थकले लिम्बूमाथि कुटपिट गरेका हुन् । प्रत्यक्षदर्शीका अनुसार बाटो निर्माणको विषयमा २ पक्षबीच विवाद भएको थियो ।

विवाद मिलाउन भनेर साम्पाङ सोमबार पुगेका थिए । समर्थकसहित पुगेका उनको उक्साहटमा माओवादीका स्थानीय नेतामाथि कुटपिट एवं आक्रमण भएको हो । घटनाको भिडियो नै सार्वजनिक भएको छ ।

भिडियोमा लिम्बू र मेयर साम्पाङबीच भनाभन भएको देखिन्छ । भनाभन भएर विवाद बढ्दै गएपछि साम्पाङका समर्थक आक्रमणमा उत्रिएको देख्न सकिन्छ । लिम्बूमाथि आक्रमण गर्न मेयर साम्पाङले समर्थकलाई उक्कासको पनि प्रष्ट हुन्छ ।

बाटोसम्बन्धी विवाद मिलाउनुको साटो साम्पाङले मुख छाड्दै गाली गरेको र आफूमाथि कुटपिट एवं आक्रमण गरिएको लिम्बूले बताए । लिम्बू टोल विकास संस्थाका अध्यक्षसमेत हुन् ।

धरान उपमहानगरपालिका–११ मा नगरकोट–वनडाँडा बाटो स्तरोन्नतिका लागि कोशी प्रदेश सरकारले २० लाख विनियोजन गरेको थियो । तर, स्थानीयबीच विवाद भएपछि सोमबार छलफल राखियो ।

छलफलमा विवाद बढ्दै गएपछि लिम्बू कुटपिटको सिकार भएका हुन् । मेयर साम्पाङले लिम्बूलाई ‘वडा सदस्यजत्तिको पनि हैसियत नभएको’ भन्दै छलफल गर्न जरुरी नभएको बताएको प्रत्यक्षदर्शीको भनाइ छ । ‘हैसियत नभएको’ भन्दै गाली गरेपछि लिम्बू र मेयर साम्पाङबीच विवाद भएको थियो ।

‘मेयरले नै मुख छाड्दै हातपातमा उत्रिन खोजेपछि अरु उक्सिएर ममाथि आक्रमण गरे । छलफलका लागि भनेर साम्पाङ समर्थकसहित आएका थिए । मेयरकै उक्साहटमा ममाथि हमला भयो,’ लिम्बूले भने ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.