
काठमाडौं । कोशी र गण्डकी प्रदेशका केही स्थानमा आज (बुधबार) वर्षाको सम्भावना रहेको छ ।
हाल देशमा स्थानीय र पश्चिमी वायुको आंशिक प्रभाव कायमै रहेको छ । यद्यपि, आज बिहान देशभरको मौसम सफा रहने मौसम पूर्वानुमान महाशाखाले जनाएको छ ।
कोशी, बागमती, गण्डकी र कर्णाली प्रदेशका पहाडी भू–भागमा दिउँसो आंशिकदेखि साधारणतया बदली रही बाँकी भू–भागमा मौसम सफा रहने छ । कोशी र गण्डकी प्रदेशका पहाडी भागका १–२ स्थानमा मेघगर्जन र चट्याङसहित हल्कादेखि मध्यम वर्षाको सम्भावना महाशाखाले जनाएको छ ।
कोशी, बागमती, गण्डकी र कर्णाली प्रदेशका उच्च पहाडी तथा हिमाली भू–भागका केही स्थानमा हल्का वर्षा र हिमपातको सम्भावना छ । कोशी र गण्डकी प्रदेशका पहाडी भू–भागमा राति आंशिक बदली रही बाँकी भू–भागमा मौसम सफा रहने पूर्वानुमान गरिएको छ ।
कोशी र गण्डकी प्रदेशका उच्च पहाडी तथा हिमाली भू–भागका केही स्थानमा हल्का वर्षाका साथै हिमपात हुने सम्भावना रहेको महाशाखाले जनाएको छ ।

























