नेपाल प्रहरीका ६३ जना एसपीको सरुवा, कोशीमा कहाँ–कहाँ भए परिवर्तन ?

Share this
700shares
मुलुकी खबर
मुलुकी खबर
clock२०८२ बैशाख १५, सोमबार १९:०८

विराटनगर । प्रहरी प्रधान कार्यालयले नेपाल प्रहरीका ६३ जना एसपी (प्रहरी उपरीक्षक)को आज (सोमबार) सरुवा गरेको छ ।

प्रहरी महानिरीक्षकको निर्णयानुसार एसपीहरुको सरुवा भएको हो । सरुवा हुनेहरुले वैशाख महिनादेखिको तलब भत्ता दरबन्दी कायम भएकै स्थानबाट पाउने छन् ।

एसपीहरुको सरुवा हुँदा कोशी प्रदेशमा पनि विभिन्न जिल्ला र युनिटका प्रहरी प्रमुख परिवर्तन भएका छन् । यसअघि नेपाल प्रहरी विशेष सुरक्षा गण दुहबी दरबन्दी भएका एसपी नारायणप्रसाद चिमरियाको जिल्ला प्रहरी कार्यालय मोरङमा दरबन्दी कायम भएको छ ।

यद्यपि, उनको ६ महिनाअघि अर्थात् कात्तिक पहिलो साता नै मोरङमा काज सरुवा भएको थियो । अहिले एसपीहरुको सरुवा हुँदा मोरङ नै दरबन्दी कायम भएको हो ।

जिल्ला प्रहरी कार्यालय झापाको प्रमुखका रूपमा एसपी राजन लिम्बूको सरुवा भएको छ । झापा प्रहरी प्रमुख एसपी मिलन केसी सरुवामा परेपछि उनको ठाउँमा लिम्बूको दरबन्दी कायम भएको हो ।

रमेश तण्डुकारको कोशी प्रदेश प्रहरी गण विराटनगर सरुवा भएको छ । एसपी प्रदीपबहादुर क्षेत्रीका ठाउँमा तण्डुकारको सरुवा भएको हो ।

एसपी वासुदेव खतिवडाको नेपाल प्रहरी विशेष सुरक्षा गण दुहवीमा दरबन्दी कायम भएको छ । यसअघि नारायणप्रसाद चिमरियाको मोरङ काज भएपछि उनका ठाउँमा खतिवडालाई खटाइएको थियो ।

एसपी शरतकुमार थापा क्षेत्रीको जिल्ला प्रहरी कार्यालय धनकुटा सरुवा भएको छ । श्यामसिंह चौधरीको ठाउँमा क्षेत्रीको दरबन्दी कायम भएको हो ।

यी हुन् सरुवामा परेका एसपीहरु

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.