उमागौरी सहकारीको रकम अपचलन : सक्कल मिसिल झिकाउने आदेश

Share this
714shares
मुलुकी खबर
मुलुकी खबर
clock२०८२ जेठ १, बिहीबार १६:०९

विराटनगर । मोरङको धनपालथान गाउँपालिकास्थित कर्सिया बजारमा रहेको उमागौरी कृषि सहकारी संस्थामा भएको रकम अपचलनसँग सम्बन्धित मुद्दाको सक्कल मिसिल झिकाउने आदेश भएको छ ।

उच्च अदालत विराटनगरका कायममुकायम मुख्य न्यायाधीश ध्रुवराज नन्दको इजलासले सक्कल मिसिल झिकाउने आदेश दिएको हो । उच्च अदालत विराटनगरका रजिष्ट्रार जगदीशप्रसाद भट्टका अनुसार मोरङको धनपालथान–४ कर्सियास्थित उमागौरी सहकारीको बचत अपचलन मुद्दामा जिल्ला अदालत मोरङको आदेशविरुद्ध परेको निवेदनमाथि सुनुवाइ गर्दै उच्चले सक्कल मिसिल झिकाउन भनेको छ ।

सहकारीका अध्यक्ष शम्भुप्रसाद रौनियारसहित २६ जनालाई प्रतिवादी बनाएर जिल्ला सरकारी वकिल कार्यालय मोरङले २०८१ मंसिर २७ गते जिल्ला अदालतमा दर्ता गरेको थियो । मुद्दामा रौनियारसहित संघीय संसदको सार्वजनिक लेखा समिति सभापति ऋषिकेश पोखरेलकी पत्नी अन्जला कोइराला, रंगेली नगरपालिका–२ का वडाध्यक्ष सन्तलाल खवास, धनपालथान गाउँपालिका–४ का पूर्ववडाध्यक्ष रोशन चौधरीलगायतलाई प्रतिवादी बनाइएको थियो ।

सहकारीको हिनामिना भएको २२ करोड ४८ लाख २७ हजार ७ सय रुपैयाँ बिगो मागदाबीसहित दर्ता भएको मुद्दाको अनुसन्धानका क्रममा पूर्ववडाध्यक्ष चौधरी मात्रै पक्राउ परेका थिए । अदालतले पुर्पक्षका लागि थुनामा राख्न आदेश दिएपछि सहकारीका अध्यक्ष रौनियार र पूर्ववडाध्यक्ष चौधरीलाई कारागार चलान गरिएको थियो ।

गत पुस २४ गते अदालतमा उपस्थित भएकी कोइराला जिल्ला अदालतले धरौटीबापत माग गरेको १० लाख रूपैयाँ बुझाएर छुटेकी थिइन् । वडाध्यक्ष खवास ५ लाख धरौटी बुझाएर छुटेका थिए । मुद्दामा कोइरालासहित ६ जना जिल्ला अदालत मोरङको आदेशबाट धरौटीमा छुटेका छन् ।

जिल्लाको आदेशविरुद्ध सरकारी वकिल उच्च अदालत पुगेको थियो । उच्चका २ न्यायाधीशबीच राय बाझिएपछि अर्को बेञ्च तोकियो । जिल्लाको आदेशविरुद्ध परेको निवेदनको सुनुवाइ गर्ने क्रममा वैशाख ११ गते उच्च अदालत विराटनगरका न्यायाधीश श्रीधराकुमारी पुडासैनी र केशवप्रसाद बाँस्तोलाको राय बाझिएको थियो ।

न्यायाधीश श्रीधराकुमारी पुडासैनीले जिल्लाको आदेशलाई सदर गर्ने राय दिएकी थिइन् । तर, न्यायाधीश केशवप्रसाद बाँस्तोलाले भने पुडासैनीको रायमा असहमति जनाउँदै धरौटी बढाएर १ करोड बनाउनुपर्ने राय दिएका थिए । त्यसपछि पुर्पक्षको आदेशका लागि अर्को बेञ्च तोकियो। यो मुद्दाको अर्को सुनुवाइ आगामी बिहीबार हुनेछ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.