हर्क साम्पाङलाई श्रमदानकै चिन्ता, बजेटतिर छैन ध्यान

Share this
803shares
मुलुकी खबर
मुलुकी खबर
clock२०८२ साउन ५, सोमबार १६:०१

धरान । धरान उपमहानगरपालिकाले नयाँ आर्थिक वर्षको बजेट अझै ल्याउन सकेको छैन । जसका कारण नगरको विकास योजना अलपत्र छ ।

तर, मेयर हर्क साम्पाङ (हर्कराज राई)मा भने त्यसतर्फको चिन्ता देखिँदैन । उनी शनिबार पनि सयौं श्रमदाताको नेतृत्व गर्दै खानेपानीको पाइपलाइन जोगाउने अभियानमा व्यस्त थिए । उनलाई श्रमदानकै चिन्ता छ । वर्षभरिको बजेट बनाउनेतिर ध्यान नै छैन ।

शनिबार बिहानैदेखि सुनसरीको बराहक्षेत्र–१ पटनालीमा बस, निजी गाडी र मोटरसाइकलमा सयौं मानिस भेला भएका थिए । उनीहरुको एउटै उद्देश्य थियो– कोकाहा नदीबाट ल्याइएको खानेपानीको पाइपलाइनलाई डढेलोबाट जोगाउन जमिनमा गाड्नु ।

भिडको नेतृत्व गर्दै मेयर साम्पाङ हातमा माइक लिएर कराउँदै थिए, ‘हामी यो देशका लागि श्रमदान गर्न आएका हौं । हर्क साम्पाङलाई सघाउन होइन ।’ उनको यो भनाइले श्रमदातामा उत्साह थपेको थियो ।

धरानमा असार १० गते नै आउनुपर्ने बजेट मेयर साम्पाङ र उपमेयर अइन्द्रविक्रम बेघाबीचको विवादका कारण रोकिएको छ । तर, बजेट ल्याउन नसकेकोमा कुनै पछुतो नमानिकन साम्पाङ केवल आफ्नो पानी अभियानमा केन्द्रित छन् । उनका समर्थकहरु उनको तस्बिर अंकित टी–सर्ट लगाएर हातमा गैंती, बेल्चालगायतका सामान बोक्दै पहाडको उकालो लागेका थिए ।

यो अभियानलाई साम्पाङका समर्थकहरू ‘श्रमबार’ भन्छन् । उनीहरूका लागि शनिबार आराम गर्ने दिन होइन । धरानका लागि पसिना बगाउने दिन हो । विगत ३ वर्षदेखि अभियानमा निरन्तर सहभागी हुँदै आएका भारतीय सेनाका पूर्वकर्मचारी बुद्धि प्रधान भन्छन्, ‘जवानी विदेशमा बित्यो । अबको जीवन देशलाई दिने हो । पेन्सनले जीवन चल्छ । म श्रमदानमा लागिरहन्छु । उनीजस्तै धरानकी आयुश्मा शेर्पा पनि फुर्सद मिल्नासाथअभियानमा जोडिने बताउँछिन् ।

यो साम्पाङको पाइपलाइन संरक्षण अभियानको चौथो शनिबार हो । गतवर्ष पनि उनले श्रमदानबाटै ४५ किलोमिटर लामो पाइपलाइन बिछ्याएर कोकाहाको पानी धरान ल्याएका थिए । श्रमदानमा सहभागीलाई खाजा र खानाको व्यवस्था पनि अभियानबाटै मिलाइएको थियो । जसमा स्वयं श्रमदाता नै खटिएका थिए ।

श्रमदानको क्रेज र विवाद

हर्क साम्पाङले धरानमा श्रम संस्कृतिको विकास गरेकोमा धेरैले प्रशंसा गर्छन् । राजनीतिक विश्लेषक राजेन्द्र शर्माका अनुसार साम्पाङले चलाएको अभियान नौलो र पृथक छ । जसले गर्दा श्रमदानबाट बनेका संरचनाहरू पर्यटकीय गन्तव्यसमेत बनेका छन् । ‘निःशुल्क बस, खाना र श्रमदान गर्ने अवसरले देशभरबाट मानिसहरूलाई आकर्षित गरेको छ,’ शर्मा भन्छन्, ‘यो क्रेजको सम्पूर्ण जस हर्क साम्पाङलाई जान्छ ।’

तर, यो अभियान विवादरहित भने छैन । साम्पाङमाथि श्रमदानको हिसाबकिताब पारदर्शी नराखेको, मनमौजी खर्च गरेको र श्रमदानमा ज्याला दिएको जस्ता गम्भीर आरोपहरू लाग्दै आएका छन् । शर्मा थप्छन्, ‘हरेक दिनको श्रमदान कामसँगै एक किसिमको पिकनिकजस्तो पनि छ । जसले गर्दा आकर्षण बढेको हो । तर, आर्थिक पारदर्शिताको प्रश्न गम्भीर छ ।’

एकातिर बजेट निर्माण जस्तो महत्त्वपूर्ण संस्थागत प्रक्रियामा चुकेका साम्पाङ अर्कोतिर श्रमदानमार्फत जनसमर्थनको शिखरमा छन् । यसले धरानमा उनको नेतृत्वलाई लिएर एकैसाथ प्रशंसा र आलोचनाको बहसले निरन्तरता पाइरहेको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.