रवि लामिछानेको कारागार सरुवा, रुपन्देहीबाट नख्खु लगियो

Share this
739shares
मुलुकी खबर
मुलुकी खबर
clock२०८२ साउन ३१, शनिबार १६:३७
जेलमा सुरक्षित नरहेको दाबी गर्दै रविकी श्रीमती जमानत माग्दै उच्चमा 

बुटवल । रुपन्देही जिल्ला कारागारबाट राष्ट्रिय स्वतन्त्र पार्टी रास्वपाका सभापति रवि लामिछानेलाई ललितपुरको नख्खु कारागार लगिएको छ । शनिबार दिउँसो रुपन्देही कारागार भैरहवाबाट गौतमबुद्ध विमानस्थलबाट हुँदै उनलाई काठमाडौं लगिएकाे हाे ।

बुटवलको सुप्रीम सहकारी ठगी प्रकरणमा पुर्पक्षका लागि लामिछाने गत चैत २५ देखि रुपन्देही कारगारमा थिए । उनले गत जेठ १४ गते रुपन्देही जिल्ला अदालतमा कारागार सरुवाका लागि निवेदन दिएका थिए ।

अदालतले जेठ १६ गते अनुमति दिएको थियो ।अदालतले जेल सार्न आदेश पनि दिएको थियो । तर गृहमन्त्री रमेश लेखकले रोकेपछि उनको जेल सरुवा रोकिएको थियो ।

कारागार सरुवा रोकेको विरोधमा आक्रोश बढेपछि सरकारले उनलाई काठमाडौं लगेको हो । कारागार सरुवा रोकेपछि रवि पत्नी निकिता पौडेलले अन्तराष्ट्रिय मानव अधिकारवादी संस्थासम्म पुग्ने बताएकी थिइन् । मानव अधिकार आयोगको टोलीले पनि उनी रहेको कारागारको अनुगमन गरेको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.