
काठमाडौं । हारको संघारमा पुगिसकेको खेललाई उत्कृष्ट पुनरागमन गर्दै सुदूरपश्चिम रोयल्सले नेपाल प्रिमियर लिग (एनपीएल) मा रोमाञ्चक जित हासिल गरेको छ ।
एनपीएलको पहिलो संस्करणमा सुदूरपश्चिम फाइनलमा पुगेर जनकपुरसँग पराजित भएको थियो ।
कीर्तिपुरस्थित त्रिवि क्रिकेट मैदानमा सम्पन्न खेलमा सुदूरपश्चिमले काठमाडौं गुर्खाजलाई २९ रनले पराजित गरेको हो ।
सुदूरपश्चिमले दिएको १४८ रनको मध्यम लक्ष्य पछ्याएको काठमाडौं गुर्खाज १६.५ ओभरमा ११८ रनमै अलआउट भयो ।
काठमाडौंले टस जितेर बलिङ गर्ने निर्णय गरेपछि सुदूरपश्चिमले २० ओभरमा १० विकेट गुमाउँदै १ सय ४७ रन बनाएको थियो ।

























