मोरङको ग्रामथानमा टिपरले स्कुटरलाई ठक्कर दिँदा बालकको मृत्यु, बुवा घाइते

Share this
711shares
मुलुकी खबर
मुलुकी खबर
clock२०८२ पुस १०, बिहीबार १८:२२

विराटनगर । विराटचोक–घिनाघाट सडक खण्डअन्तर्गत मोरङको ग्रामथानमा बिहीबार साँझ टिपरले स्कुटरलाई ठक्कर दिँदा बालकको मृत्यु भएको छ । मृतकका बुवासमेत रहेका स्कुटर चालक घाइते भएका छन् ।

प्रहरीका अनुसार गिट्टी बोकेर विराटचोकबाट विराटनगरतर्फ आउँदै गरेको प्रदेश १–०२–००१ ख ९७७० नम्बरको टिपरले ग्रामथान गाउँपालिका–५ ककडमाडीमा उत्तरबाट दक्षिणतर्फ बाटो क्रस गर्दै गरेको प्रदेश १–०२–०५२ प ९००५ नम्बरको स्कुटरलाई साँझ ५ बजेतिर ठक्कर दिएको थियो । ठक्करबाट स्कुटरको पछाडि सवार ग्रामथान–५ बस्ने १४ वर्षीय अनुप कार्कीको मृत्यु भएको मोरङ ट्राफिक प्रहरी प्रमुख इन्स्पेक्टर सन्तोष न्यौपानेले बताए ।

उनका अनुसार दुर्घटनामा परेर गम्भीर घाइते भएका बालकलाई उपचारका लागि विराटनगरको नोबेल शिक्षण अस्पताल लगिएको थियो । अस्पतालका पुर्याइएका बालकलाई चिकित्सकले साँझ ५ः४५ बजेतिर मृत घोषित गरिदिएको जानकारी न्यौपानेले दिए ।

दुर्घटनामा स्कुटर चालक ग्रामथान–५ बस्ने ३५ वर्षीय केशर कार्की घाइते भएका छन् । सामान्य अवस्थाका उनको नोबेलमै उपचार भइरहेको छ । प्रहरीका अनुसार स्कुटर चालक मृतक बालकका बुवा हुन् ।

दुर्घटनालगत्तै प्रहरीले टिपर र चालक मोरङको सुन्दरहरैँचा नगरपालिका–४ का अन्दाजी २४ वर्षीय सञ्जय चौधरीलाई नियन्त्रणमा लिएर घटनाको अनुसन्धान सुरु गरेको छ । टिपर चालक चौधरीलाई इलाका प्रहरी कार्यालय हरैँचामा र टिपरलाई जिल्ला प्रहरी कार्यालय मोरङमा राखिएको छ ।

स्कुटर प्रहरी चौकी तेतरियाको नियन्त्रणमा छ । टिपरको तीव्र गति र चालकको असावधानीका कारण दुर्घटना भएको प्रहरीको प्रारम्भिक अनुसन्धानबाट खुलेको छ । इलाका प्रहरी कार्यालय बेलबारीका इन्स्पेक्टर राजीव गिरी नेतृत्वको टोलीले घटनाको थप अनुसन्धान गरिरहेको छ ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.