
विराटनगर । इलामको पशुपतिनगरस्थित सशस्त्र प्रहरी गुल्मका प्रमुख डीएसपी प्रकाश कोइरालाको बुधबार हृदयघातका कारण निधन भएको छ । बुधबार बिहान इलामको भञ्ज्याङबाट पशुपतिनगर फर्केलगत्तै उनी अचानक ढलेका थिए ।
अस्वस्थ भएपछि उनलाई तत्काल स्थानीय स्वास्थ्य संस्थामा लगिएको थियो, तर त्यहाँ उपचार सम्भव नभएपछि थप उपचारका लागि हेलिकप्टरमार्फत काठमाडौं लगिएको थियो । काठमाडौंस्थित सशस्त्र प्रहरी बल (एपीएफ) अस्पतालमा उपचारकै क्रममा साँझ उनको निधन भएको सशस्त्र प्रहरीले जनाएको छ ।

























