मोरङमा घर जल्यो, छ लाखको क्षति

Share this
727shares
मुलुकी खबर
मुलुकी खबर
clock२०८१ भदौ ५, बुधबार १५:३४

विराटनगर । मोरङको जहदा गाउँपालिका–७ तारेगामामा आगोले एउटा घर जलेको छ । घटनामा ६ लाख बराबरको क्षति भएको छ ।

प्रहरीका अनुसार स्थानीय नथु मण्डलको घरमा बुधबार बिहानका राति २ बजेतिर आगलागी भएको हो । मण्डलको टाटीबेरा लगाएर बनाएको र कर्कटपाताको छानो भएको १ तले घर आगोले पूर्णरूपले ध्वस्त बनाएको छ ।

घरसहित घरभित्र रहेका अन्नपात, लत्ताकपडा, काठपातलगायत सबै जलेको प्रहरीले जनाएको छ । आगलागीको कारण खुल्न सकेको छैन । विद्युत सर्ट भएर आगलागी भएको हुनसक्ने प्रहरीको आशंका छ ।

प्रहरीका अनुसार आगोले ६ लाख बराबरको क्षति भएको छ । स्थानीयको सहयोगमा १ घण्टापछि आगो नियन्त्रणमा लिइएको थियो । प्रहरीले घटनाको अनुसन्धान सुरु गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.