
विराटनगर । आइसिसी विश्वकप लिग २ काे सिरिजमा नेपालले आज अमेरिकासँग खेल्दैछ ।
अमेरिकामा घरेलु टोलीविरुद्धको खेल राति ९: १५ मा सुरु हुनेछ ।
सिरिजको पहिलो खेलमा अमेरिकासँग पराजित भएको नेपालले दोस्रो खेलमा स्कटल्याण्डलाई पराजित गरेको थियो ।
स्कटल्यान्डले दुई खेलमा अमेरिकालाई पराजित गरेको छ ।
लिग २ को ११ खेलमा ७ जित निकालेको अमेरिका १४ अंकसहित तालिकाको दोस्रो स्थानमा छ ।
१० खेलमा २ जित र १ बराबरी गरेको नेपाल ५ अंकसहित सातौं स्थानमा छ ।



















