यू–१९ एसिया कपमा नेपालले पाकिस्तानलाई हरायो

Share this
758shares
मुलुकी खबर
मुलुकी खबर
clock२०८१ पुस १, सोमबार १५:०९

काठमाडौं । नेपालले एसीसी यू– १९ महिला एसिया कप क्रिकेटमा पाकिस्तानलाई पराजित गरेको छ । मलेसियामा जारी प्रतियोगितामा नेपालले पाकिस्तानलाई ६ विकेटले पराजित गरेको हो ।

१०५ रनको लक्ष्य नेपालले १ ओभरअगावै पूरा गरेको हो । नेपालको जितमा कप्तान पुजा महतोले सर्वाधिक ४७ रन बनाएर अविजित रहिन् । सोनी पाख्रिनले १३ तथा ओपनर सना प्रवीनले १० रन बनाइन् ।

त्यसअघि पाकिस्तानले २० ओभरमा ५ विकेट गुमाएर १०४ रन बनाएको थियो । पाकिस्तानका कोमल खानले ३८ रन बनाइन् । पाकिस्तान पहिलो खेलमा भारतसँग पराजित भइसकेको थियो । पाकिस्तानलाई पराजित गरेको नेपाल सुपर फोरमा प्रवेश गरेको छ । नेपालले भोलि भारतसँग खेल्दैछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.