
काठमाडौं ।नेपाल प्रिमियर लिग (एनपीएल) काे क्वालिफायर टु मा कर्णाली याक्समाथि २ विकेटको जित हात पार्दै जनकपुर बोल्ट्स फाइनलमा प्रवेश गरेको छ । उपाधिका लागि सुदूरपश्चिम रोएल्ससँग खेल्नेछ ।
बुधबार भएको क्वालिफायर वान मा सुदूरपश्चिमले जनकपुरलाई नै पराजित गर्दै फाइनलमा स्थान बनाएको थियो ।
क्वालिफायर २ मा कर्णालीमाथि जित निकाल्दै जनकपुर फाइनलमा प्रवेश गरेको हो ।
सुदूरले लिग चरणमा खेलेको ७ मध्ये ६ खेल जितेको थियो । जनकपुरले लिग चरणमा ७ मध्ये ५ खेल जितेको थियो ।
आज कर्णालीले दिएको ११९ रनको लक्ष्य जनकपुरले १९ ओभर खेल्दै ८ विकेट गुमाएर पूरा गरेको थियो । जनकपुरका लागि जीमी नीशमले आक्रमक ब्याटिङ गर्दै सर्वाधिक ४५ रन बनाए । कर्णाली याक्सका युवा स्पीनर विपिन प्रसाद शर्माले ३ विकेट लिएका थिएका थिए ।



















