धनकुटामा गाँजा कारोबारीलाई नियन्त्रणमा लिन हवाई फायर, ६ जना पक्राउ

Share this
669shares
मुलुकी खबर
मुलुकी खबर
clock२०८१ पुस २५, बिहीबार १८:१०

विराटनगर । धनकुटाको साँगुरीगढीमा हवाई फायर गरेर प्रहरीले लागुऔषध गाँजा कारोबारमा संलग्न ६ जनालाई पक्राउ गरेको छ ।

उनीहरुलाई नियन्त्रणमा लिने क्रममा प्रहरीले एक राउण्ड हवाई फायर गरेको छ । कोशी प्रदेश प्रहरी कार्यालय विराटनगरका अनुसार धनकुटाको सहिदभूमि गाँउपालिका–१ का ३४ वर्षीय नकुल राई, २१ वर्षीय ओमप्रकाश राई, साँगुरीगढी–८ का २८ वर्षीय मंगलकुमार राई, २९ वर्षीय बिसन राई, २६ वर्षीय थामबहादुर राई र २१ वर्षीय सुमन राई पक्राउ परेका छन् ।

लागुऔषध गाँजासहित उनीहरुलाई पक्राउ गरिएको कोशी प्रदेश प्रहरी प्रवक्ता एसएसपी भीमबहादुर दाहालले जानकारी दिए । उनका अनुसार साँगुरीगढी गाउँपालिका–९ को सडक खण्ड हुँदै ५ वटा मोटरसाइकलमा गाँजा ओसारपसार भइरहेको भन्ने सूचना आएको थियो ।

मोटरसाइकललाई रोक्न खोज्दा मोटरसाइकलमा सवार व्यक्तिहरुले प्रहरी टोलीमाथि हातपात तथा ढुंगामुढा गर्न थालेपछि हवाई फायर गर्नु परेको एसएसपी दाहालले बताए । उनका अनुसार गाँजा बोकेको ५ वटा मोटरसाइकलसहित ६ जनालाई पक्राउ गरेको हो ।

उनीहरुलाई बुधबार बिहान सवा ४ बजेतिर इलाका प्रहरी कार्यालय भेडेटारको टोलीले पक्राउ गरेको थियो । को ३८ प ३५२२, प्रदेश १–०२–०५३ प ९६६३, प्रदेश १–०२–०५३ प ८६१७, प्रदेश १–०२–०४३ प ९५९६ र को १४ प ७७५० नम्बरको मोटरसाइकलसहित १ सय २० केजी गाँजा प्रहरीले बरामद गरेको छ ।

लागुऔषध गाँजासहित पक्राउ परेका उनीहरुलाई थप कारबारही तथा अनुसन्धानका लागि जिल्ला प्रहरी कार्यालय धनकुटामा राखिएको एसएसपी दाहालले बताए ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.