काठमाडौं जाँदै रवि लामिछाने, आइतबार अदालत हाजिर हुने

Share this
770shares
मुलुकी खबर
मुलुकी खबर
clock२०८१ पुस २६, शुक्रबार १६:२८

पोखरा । सहकारी ठगीको अनुसन्धानका क्रममा पक्राउ परेका पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछाने स्थलमार्ग हुँदै काठमाडौं जाँदैछन् ।

जहाजबाट उनी काठमाडौं जाने तय भएको थियो । अन्तिम समयमा उनी स्थलमार्ग हुँदै काठमाडौं जाँदैछन् । तर, लामिछाने आज (शुक्रबार) जिल्ला अदालत काठमाडौंमा हाजिर नहुने भएका छन् ।

शुक्रबार कार्यालय समय ३ बजेसम्मलाई मात्रै हो । काठमाडौं पुग्न ढिला हुने भएपछि उनी आइतबार बिहान मात्रै अदालत हाजिर हुने भएका हुन् । उनी बिहीबार कास्की जिल्ला अदालतको आदेशपछि ६५ लाख रूपैयाँ धरौटी बुझाएर थुनामुक्त भएका थिए ।

लामिछाने बिहान १० बजे नै पोखराबाट काठमाडौंका लागि बाटो लागेका थिए । रविलाई आफैँ अदालतमा उपस्थित हुने सर्तमा प्रहरीले परिवारको जिम्मा लगाएर छाडेको हो ।

सम्बन्धित निकायहरूसँगको सम्पर्क र समन्वयमा आइतबार बिहानै उनी अदालतमा हाजिर हुने रास्वपाका प्रवक्ता मनिष झाले बताए । उनका अनुसार समर्थक र कार्यकर्ताको ठूलो समूह भएकाले लामिछाने स्थलमार्गबाटै काठमाडौंका लागि हिँडेका हुन् ।

लामिछाने गत कात्तिक २ गते काठमाडौंबाट पक्राउ परेका थिए । कास्कीको सूर्यदर्शन सहकारीको रकम अपचलनमा संलग्नता देखिएको भन्दै प्रहरीले उनलाई अनुसन्धानका लागि पक्राउ गरेको थियो । जिल्ला अदालत कास्कीका न्यायाधीश नीतिज राईको इजलासले लामिछानेलाई ६५ लाख धरौटीमा छाड्न बिहीबार आदेश दिएको हो ।

आदेशलगत्तै उनले बिहीबार साँझ नै बैंक ग्यारेन्टीमार्फत धरौटी रकम बुझाएका थिए । धरौटी बुझाएपछि रविलाई प्रहरीले छाडेको थियो । काठमाडौं जिल्ला अदालतमा उपस्थित हुने सर्तमा प्रहरीले परिवारको जिम्मा लगाएको हो ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.