रवि लामिछानेका दुई जना कानुन व्यवसायीको बहस सकियो, साधारण तारेखमा छाड्न माग

Share this
747shares
मुलुकी खबर
मुलुकी खबर
clock२०८१ माघ २, बुधबार १४:२४

काठमाडौं । जिल्ला अदालत काठमाडौंमा पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछाने पक्षका दुई जना कानुन व्यवसायी (वकिल)को बहस सकिएको छ ।

स्वर्णलक्ष्मी सहकारी ठगी प्रकरणमा मुछिएका लामिछानेको पक्षमा वकालत गर्ने वकिलवहरुको बहस सकिएको हो । जिल्ला अदालत काठमाडौंका न्यायाधीश माधवप्रसाद अधिकारीको इजलासमा बहस जारी छ । उनी पक्षका वकिलकाे बहस सकिएपछि सरकारी वकिलले जवाफी बहस गर्ने छन् ।

त्यसपछि लामिछानेलाई पुर्पक्षका लागि थुनामा पठाउने अर्थात धरौटी वा साधारण तारेखमा छाड्नेमध्ये एउटा आदेश अदालतले दिने छ । यसअघि सोमबार लामिछानेविरुद्ध सरकारी वकिल र जाहेरवाला तर्फका कानुन व्यवसायीले बहस गरेका थिए ।

लामिछानेको पक्षमा वरिष्ठ अधिवक्ताहरू सुशील पन्त, रमण श्रेष्ठले बहस गरेका थिए । कानुन व्यवसायीहरुले लामिछानेलाई साधारण तारेखमा छाडेर मुद्दाको पुर्पक्ष गर्न माग गरेका छन् ।

लामिछाने जिल्ला अदालत कास्कीको आदेशपछि ६५ लाख रूपैयाँ धरौटी बुझाएर छुटेका थिए । उनी आइतबार आफैं अदालतमा हाजिर भएका हुन् । लामिछानेविरुद्ध बहस गर्ने वकिलहरुले भने प्रमाण नष्ट गर्नसक्ने भएकाले उनलाई थुनामै राखेर मुद्दाको पुर्पक्ष गर्नुपर्ने माग राखेका थिए ।

गोरखा मिडिया नेटवर्कमा कानुनविपरीत स्वर्णलक्ष्मी बहुउद्देश्यीय सहकारी संस्थाबाट ५ करोड ७८ लाख ९८ हजार ४ सय ८० रुपैयाँ लगेको प्रहरीको अनुसन्धान निष्कर्ष छ । रविविरुद्ध ५ करोड ७८ लाख ९८ हजार ४ सय ८० रुपैयाँ बिगो मागदाबीसहित काठमाडौं अदालतमा मुद्दा दायर गरिएको छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.