भेडेटारका सइ रमेश प्रधान कोशी प्रदेशको सर्वोत्कृष्ट प्रहरी

Share this
704shares
मुलुकी खबर
मुलुकी खबर
clock२०८१ माघ ४, शुक्रबार १२:४१

विराटनगर । धनकुटाको इलाका प्रहरी कार्यालय भेडेटारका इन्चार्ज एवं सइ रमेश प्रधान कोशी प्रदेशको सर्वोत्कृष्ट प्रहरी घोषित भएका छन् ।

कोशी प्रदेश प्रहरी प्रमुख डीआईजी राजन अधिकारीले प्रहरी नायव निरीक्षक प्रधानलाई पुस महिनाको ‘वेस्ट पुलिस अफ दी मन्थ’बाट पुरस्कृत गरेका हुन् । प्रधानले विभागीय मूल्य–मान्यता, आदेश–निर्देशनको पालना गरी उच्च मनोबल र साहसका साथ आफ्नो कर्तव्य निर्वाह गरेको कोशी प्रदेश प्रहरी कार्यालय विराटनगरले जनाएको छ ।

उनी नेतृत्वको टोलीले धनकुटाको साँगुरीगढी गाउँपालिका–९ चाँदी बजारबाट लागुऔषध गाँजासहित ५ वटा मोटरसाइकलमा सवार ६ जनालाई पक्राउ गरेको थियो । त्यस क्रममा १ सय २० किलो गाँजा बरामद भएको प्रहरीले जनाएको छ ।

मोटरसाइकलमा गाँजा लिएर धरानतर्फ आउँदै गरेको समूहले पुस २४ गते प्रहरीमाथि नै आक्रमण गरेको थियो । त्यसपछि प्रहरीले हवाई फायर गरेर गाँजा ओसारपसारमा संलग्नलाई पक्राउ गरेको हो ।

आफ्नो इलाकामा शान्ति सुरक्षाको अवस्था मजवुत बनाउन भूमिका खेलेको निष्कर्ष निकाल्दै सइ प्रधानलाई
कोशी प्रदेशकै सर्वोत्कृष्ट प्रहरी घोषित गरिएको हो । प्रहरीबाट सम्पादित कार्यको मूल्यांकन गर्दै प्रत्येक महिना प्रदेशभरिबाट १ जनालाई सर्वोत्कृष्ट प्रहरी घोषित गर्ने गरिएको छ । ।

 

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.