रुपन्देही अदालतमा रवि लामिछानेसहित ४२ जनाविरूद्ध मुद्दा दायर

Share this
774shares
मुलुकी खबर
मुलुकी खबर
clock२०८१ माघ ६, आइतबार १६:४९

रुपन्देही । बुटवलको सुप्रिम सहकारी अपचलन प्रकरणमा पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध मुद्दा दर्ता भएको छ ।

लामिछानेसहित ४२ जनालाई प्रतिवादी बनाएर जिल्ला अदालत रुपन्देहीमा आइतबार मुद्दा दायर गरिएको हो । अदालतमा सहकारी ठगी तथा संगठित अपराधसम्बन्धी मुद्दा दर्ता भएको छ ।

सुप्रिम सहकारीको रकम अपचलन गरेको प्रकरणमा लामिछानेविरुद्ध पुरक जाहेरीका आधारमा मुद्दा चलेको हो । प्रहरीले अनुसन्धान सकेर पुस २६ गते मिसिल (अनुसन्धान प्रतिवेदन) बुझाएपछि त्यसका आधारमा अभियोगपत्र तयार पार्दै जिल्ला सरकारी वकिल कार्यालय रुपन्देहीले लामिछानेसहितलाई प्रतिवादी बनाएर मुद्दा दायर गरेको हो ।

अभियोगपत्र २ सय ५६ पृष्ठ लामो छ । सुप्रिम सहकारीका बचतकर्ताहरूको ८६ करोड १८ लाख २३ हजार ७ सय ५४ रुपैयाँ हिनामिना गरेको आरोप लामिछाने र गोर्खा मिडिया नेटवर्कका तत्कालीन सञ्चालक एवं नेपाल प्रहरीका पूर्वडीआईजी छविलाल जोशीसहितलाई लागेको छ । यसअघि जिल्ला सरकारी वकिल कार्यालयले गत वैशाख ३ गते २८ जनाविरुद्ध सहकारी ठगीसम्बन्धी मुद्दा दर्ता गरेको थियो ।

त्यतिबेला १ अर्ब ३ करोड बिगो माग गरिएकोमा हाल पुरक अभियोग पत्र दर्ता गरिएको हो । अहिले लामिछाने र जोशीसहित १४ जनालाई प्रतिवादी बनाएको छ । यसअघिको र पुरक अभियोगमा समेत गरेर प्रतिवादीको संख्या ४२ पुगेको हो ।

अभियोगपत्रमा लामिछानेको व्यक्तिगत दायित्वमा दुई करोड र सामूहिक दायित्वमा थप दुई करोड गरी चार करोडभन्दा बढी बिगो माग गरिएको छ । यसअघि कास्कीको पोखरास्थित सूर्यदर्शन सहकारी र काठमाडौंको स्वर्णलक्ष्मी सहकारी ठगी प्रकरणमा पनि लामिछाने र जोशीविरुद्ध मुद्दा दर्ता गरिएको थियो ।

कास्की र काठमाडौं अदालतको आदेशपछि धरौटी बुझाएर छुटेका थिए । कास्की अदालतले लामिछानेसँग ६५ लाख र जोशीसँग ८८ लाख रूपैयाँ धरौटी माग गरेको थियो । लामिछानेलाई काठमाडौं अदालतले ६० लाख रूपैयाँ धरौटी माग गरेको थियो ।

अब लामिछानेको रुपन्देही अदालतमा बयान हुने छ । बयानपछि वादी नेपाल सरकार र प्रतिवादीतर्फका कानुन व्यवसायीबीच थुनछेक बहस हुने छ ।

बहस सकिएपछि अदालतले प्रतिवादीलाई पुर्पक्षका लागि थुनामा पठाउने अर्थात धरौटी वा साधारण तारेखमा छाड्नेमध्ये एउटा आदेश दिने छ । लामिछानेविरुद्ध चितवन र पर्सामा पनि मुद्दा दर्ता गर्ने तयारी छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.