अझै सकिएन रवि लामिछानेको थुनछेक बहस, आइतबार पुनः उपस्थित हुनुपर्ने

Share this
698shares
मुलुकी खबर
मुलुकी खबर
clock२०८१ माघ ११, शुक्रबार १७:३०

बुटवल । सहकारीको रकम अपचलन मुद्दामा प्रतिवादी बनाइएका पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेको बहस आज (शुक्रबार) पनि सकिएन ।

थुनछेक बहस नसकिएपछि मुद्दालाई हेर्दाहेर्दैमा राखिएको छ । उनीविरुद्ध दर्ता भएको मुद्दाको बहस बिहीबारबाट सुरु भएको थियो । जिल्ला अदालत भैरहवाका श्रेस्तेदार यज्ञमूर्ति ज्ञवालीका अनुसार मुद्दालाई आइतबारका लागि हेर्दाहेर्दैमा राखिएको छ ।

बुटवलको सुप्रिम सहकारी ठगी प्रकरणको बयानका लागि लामिछाने गत बुधबार रुपन्देही जिल्ला अदालतमा उपस्थित भएका थिए । न्यायाधीश प्रल्हादकुमार योगीको इजलासमा उनको बयान भएको थियो । बयान सकिनै १ दिन लाग्यो । बिहीबारबाट थुनछेक बहस सुरु भयो ।

बिहीबार सरकारी वकिलको मात्रै बहस सकियो । शुक्रबार सुरुमा जाहेरवाला अर्थात सहकारीपीडित पक्षका कानुन व्यवसायीहरुले बहस गरेका थिए । त्यसपछि लामिछाने पक्षका कानुन व्यवसायीहरुले बहस थाले । लामिछाने पक्षका कानुन व्यवसायी, वरिष्ठ अधिवक्ताहरु सुशील पन्त र सुरेन्द्र थापाले शुक्रबार बहस गरेका छन् ।

प्रतिवादी लामिछानेतर्फ कानुन व्यवसायीको बहस सकिएको छैन । बहस नसकिएपछि आइतबार पुनः अदालत उपस्थित हुने सर्तमा उनलाई परिवारको जिम्मा लगाइएको छ ।

थुनछेक बहस सकिएपछि सरकारी वकिलसमेतले जवाफी बहस गर्नेछन् । बहस सकिएपछि अदालतले लामिछानेलाई पुर्पक्षका लागि थुनामा पठाउने अर्थात धरौटी वा साधारण तारेखमा छाड्नेमध्ये एउटा आदेश दिने छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.