मानव कंकालका कारोबारी राय : छुटेपछि पुरानै धन्दा, कानुनले के भन्छ ?

मुलुकी खबर

२०८१ माघ २१, सोमबार १४:१५

विराटनगर । सशस्त्र प्रहरीले विराटनगरको सीमावर्ती क्षेत्र रानीबाट मानव कंकालसहित पक्राउ गरेर एक व्यक्तिलाई कारबाहीका लागि नेपाल प्रहरीको जिम्मा लगाएको छ ।

आइतबार ३८ वटा मानव खप्पर र १० वटा नली खुट्टासहित सशस्त्र प्रहरी बल प्रस्तावित सीमा सुरक्षा गुल्म रानीले विराटनगर महानगरपालिका–१७ का ३७ वर्षीय विनोद रायलाई पक्राउ गरेको थियो ।

इलाका प्रहरी कार्यालय रानीको हिरासतमा रहेका राय मानव कंकालका पटके कारोबारी हुन् । उनलाई कुन मुद्दा चलाउने भन्ने अन्योल छ । किनकि मानव कंकालका विषयमा कानुनले स्पष्ट बोलको छैन ।

यसअघि २०७८ असोज २० गते राय २८ वटा मानव खप्पर र हातखुट्टाका १० वटा हड्डीसहित रानीबाटै पक्राउ परेका थिए । त्यसबेला उनीसँग झापाको दमक नगरपालिका–५ का ४३ वर्षीय युवराज कार्की पनि थिए । राय १७ दिन प्रहरी हिरासतमा बसेर छुटे ।

त्यसबेला पनि उनीविरुद्ध मुद्दा चलाउने स्पष्ट कानुनी आधार नभएका कारण प्रहरीले अभद्र व्यवहार मुद्दा चलाएको थियो । अभद्र व्यवहार मुद्दामा ५ हजार धरौटी बुझाएर छुटेका उनी फेरि ३ वर्षपछि मानव कंकालसहित पक्राउ परेका हुन् ।

प्रारम्भिक अनुसन्धानका क्रममा रायले प्रहरीलाई धामीझाक्रीलाई बिक्री गर्नका लागि ल्याएको बयान दिएका छन् । ‘मानव कंकाल धामीझाक्री र लामाहरुलाई बिक्री गर्न ल्याएको देखिन्छ,’ जिल्ला प्रहरी कार्यालय मोरङका प्रवक्ता वेदप्रकाश जोशीले भने, ‘थप अनुसन्धान भइरहेको छ ।’

सशस्त्र प्रहरीले पक्राउ गरेर बुझाएका व्यक्तिलाई कुन मुद्दा चलाउने भन्ने अन्योल रहेको उनले बताए । मानव कंकाल ओसारपसारका विषयमा कानुनले केही बोलेको छैन ।

‘कुन मुद्दा चलाउने भन्ने हामी परामर्शमा छौं,’ उनले भने, ‘पहिले यिनै व्यक्तिलाई अभद्र व्यवहार मुद्दा चलेको रहेछ ।

तपाइको प्रतिक्रिया