
विराटनगर । अमेरिका पठाइदिने भनेर २१ लाख रूपैयाँ ठगी गरेको आरोपमा प्रहरीले २ जनालाई पक्राउ गरेको छ ।
सिरहाको सिरहा नगरपालिका–८ घर भइ काठमाडौं महानगरपालिका–३२ बस्ने ३३ वर्षीय रमेशकुमार ठाकुर र धनुषा विदेह नगरपालिका–५ घर भइ ललितपुर महालक्ष्मी नगरपालिका–५ बस्ने २९ वर्षीय विशाल ठाकुर पक्राउ परेका हुन् । अमेरिका पठाइदिने भनेर २ जनाबाट २१ लाख ठगी गरेको आरोपमा उनीहरु पक्राउ परेका हुन् ।
रकम लिएपछि उनीहरु फरार भएका थिए । काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले रमेशलाई काठमाडौं तीनकुनेबाट र विशाललाई काठमाडौं कोटश्वरबाट पक्राउ गरेको हो ।
उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग र प्रहरी वृत्त बौद्ध पठाइएको अपराध अनुसन्धान कार्यालयले जनाएको छ ।

























