
काठमाडौं । नेपाल एयरलाइन्सको जहाजमा समस्या आएपछि रेसुङ्गा विमानस्थलमा फाल्गुन महिनाभर उडान नहुने भएको छ ।
एयरलाइन्सका रेसुङ्गा कार्यालयका प्रमुख सुमन थापाका अनुसार नेपाल एयरलाइन्सको सानो जहाजले उडान भर्दै आएको र जहाजमा समस्या देखिएपछि हाललाई उडान स्थगन गर्नु परेको जानकारी दिए ।
नेपाल एयरलाइन्सका २ वटा साना जहाजले सेवा दिँदै आए पनि एउटा जहाज पहिले नै बिग्रिएको र अर्को जहाजको पनि इन्जिनमा अहिले समस्या आएपछि उडान बन्द भएको हो ।
काठमाडौंमा बिग्रेको जहाजको मर्मत भइरहेको र विदेशबाट सामग्री ल्याउनु पर्ने भएकोले समय बढी लाग्ने हुँदा फाल्गुनभर उडान हुने कुनै सम्भावना नभएको थापाले बताए ।























