
मुगु । बाटो खन्ने क्रममा डोजरले खसाएको ढुंगाले लागेर बालकको मृत्यु भएको छ । बाकककी आमा गम्भीर घाइते भएकी छन् ।
बजुरे–दोमुख सडक निर्माणका क्रममा मुगुको सोरु गाउँपालिका–१० बलाडीनजिकै घटना भएको हो । डोजरले सडक निर्माणका क्रममा खसाएको ढुंगाले लागेर हुम्लाको धैन घर भएका ६ वर्षीय बालक जोकजंग नेपालीको घटनास्थलमै मृत्यु भएको प्रहरीले जनाएको छ ।
ढुंगाले लागेर लोकजंगकी आमा कल्पना नेपाली गम्भीर घाइते भएकी छन् । उनलाई उपचारका लागि जिल्ला सदरमुकाम गमगढी ल्याउने तयारी भइरहेको छ । प्रहरीले घटनास्थल पुगेर अनुसन्धान सुरु गरेको छ ।

























