रेवतीरमण भण्डारीविराटनगर । कोशी प्रदेशको मन्त्रिपरिषद बैठकले प्रदेश आयोजना बैंक व्यवस्थापन कार्यविधि २०८१ स्वीकृत गरेको छ ।
आज साझ बसेको मन्त्रीपरिषद् बैठकले प्रदेश आयोजना बैंक व्यवस्थापन कार्यविधि २०८१ स्वीकृत गरेको आन्तरिक मामिला तथा कानुन मन्त्री रेवती रमण भण्डारीले जानकारी दिए ।
कार्यविधी स्वीकृत भएपछि कोशी प्रदेशमा अब आयोजना छनोट गरी बजेटमा पेश गर्न सजिलो हुने उनले बताए । अनावश्यक रुपमा बाहिरबाट योजना ल्याउने र समावेश गर्ने प्रवृत्तिको अन्त्य हुने उनको भनाइ छ ।
बैठकले सुरक्षा निकायको भवन निर्माणको बजेट बाँडफाँड गर्ने निर्णय पनि गरेको छ । सामाजिक विकास संस्था ऐन २०७५ लाई संशोधन गरी प्रदेश सभामा पेश गर्ने निर्णय गरेको छ ।

























