भूकम्पले कोशीका ४ घरमा क्षति

Share this
703shares
मुलुकी खबर
मुलुकी खबर
clock२०८१ फागुन १६, शुक्रबार १९:१७

विराटनगर । भूकम्पले कोशी प्रदेशका विभिन्न ३ जिल्लाका ४ घरमा क्षति पुर्याएको छ । संखुवासभाका २ तथा भोजपुर र सोलुखुम्बुका १–१ घरमा क्षति पुगेको प्रदेश प्रहरी कार्यालय विराटनगरले जनाएको छ ।

घरहरु चर्किए पनि मानवीय र चौपाया क्षति भने भएन । संखुवासभाको भोटखोला गाउँपालिका–१ किमाथांकाका ३८ वर्षीय फुर्पु नावाको घरमा आंशिक क्षति पुगेको कोशी प्रदेशका प्रहरी प्रमुख डीआईजी राजन अधिकारीले बताए । उनका अनुसार नावाको ढुंगाको गाह्रो र टिनको छानो भएको २ तले घरको पूर्व साइडको भाग भासिएको छ ।

घरको साइड भासिदा पर्खाल चर्किएर आंशिक क्षति भएको जानकारी अधिकारीले दिए । घर चर्किए पनि मानिस बसोबास गर्न मिल्ने अवस्थामा घर रहेको प्रहरीको भनाइ छ ।

संखुवासभाकै पाँचखपन नगरपालिका–१ का लाक्पा दोर्जे तामाङको घरमा पनि सामान्य क्षति पुगेको छ । ढुंगा र माटोको प्रयोग गरी फुसको छानो लगाएर बनाइएको २ तले घर चर्किएको प्रहरीले जनाएको छ ।

त्यस्तै, भोजपुरको षडानन्द नगरपालिका–१३ पातलका ६४ वर्षीय सन्तबहादुर तामाङको घरमा पनि भूकम्पले क्षति पुर्याएको छ । ढुंगा र माटो प्रयोग गरी टिनको छानो लगाएर बनाएको २ तले घरको गाह्रो चर्किएको डीआईजी अधिकारीले बताए । उनका अनुसार घरसँगै रहेको ढुंगाको माटोले बनेको ग्वाली घरसमेत चर्किएको छ ।

यसैबीच, भूकम्पले सोलुखुम्बुको सोताङ गाउँपालिका–३ का गोपाल बस्नेतको घरमा पनि क्षति पुर्याएको छ । ढुंगा र माटो प्रयोग गरी टिनको छानो लगाएर बनाइएको २ तले घरको पूर्वतर्फको पर्खाल चर्किएको डीआईजी अधिकारीले बताए ।

कोशीका ३ जिल्लाका ४ घरमा समान्यबाहेक भूकम्पले क्षति नपुर्याएको उनले बताए । भूकम्पले थप कतै क्षति गरेको छ कि भनेर बुझ्नलाई प्रहरी परिचालन गरिएको छ । पहाडका घर सामान्य चर्किए पनि तराईमा भने भूकम्पले क्षति नगरेको उनको भनाइ छ ।

भूकम्पले पुर्याएको क्षति यकिन गर्न स्थानीय तह र जनप्रतिनिसँग पनि समन्वय भइरहेको जानकारी डीआईजी अधिकारीले दिए । कोशी प्रदेशमा १४ वटा जिल्ला छन् । सबैतिर सम्पर्क स्थापित गर्दा भूकम्पले जनधनको ठूलो क्षति गरेको नपाइएको डीआईजी अधिकारीको भनाइ छ ।

सिन्धुपाल्चोकको भैरवकुण्ड केन्द्रविन्दु भएर आज (शुक्रबार) बिहानका राति २ः५१ बजेतिर ६.१ म्याग्निच्युडको भूकम्प गएको थियो । भूकम्पको धक्का देशभर महसुस भएको थियो । तर, ठूलो क्षति भने भएको छैन ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.