
काठमाडौं । काठमाडौंको नयाँ बानेश्वरमा झडपमा परेर नेपाल प्रहरीका डीएसपी (प्रहरी नायव उपरीक्षक) घाइते भएका छन् ।
स्वर्गद्वारी गुठी पीडित मोही किसान संघर्ष समितिको प्रदर्शनका क्रममा आइतबार दिउँसो झडप भएको हो । झडपमा परेर प्रहरी वृत्त सिंहदरबारका डीएसपी गंगाप्रसाद पौडेल घाइते भएका छन् ।
जिल्ला प्रहरी परिसर काठमाडौंका एसपी अपिलराज बोहोराका अनुसार घाइते भएका पौडेलको टाउकोमा चोट लागेको छ । उनको नयाँ बानेश्वरस्थित सिभिल अस्पतालमा उपचार भइरहेको छ ।

























