
म्याग्दी । म्याग्दीको धौलागिरि गाउँपालिका–४ स्थित मुदी केन्द्रविन्दु भएर शनिबार बिहान भूकम्प गएको छ ।
राष्ट्रिय भूकम्प मापन केन्द्रका अनुसार मुदी केन्द्रविन्दु भएर बिहान ३ः१४ बजेतिर ४ म्याग्निच्युडको भूकम्प गएको हो । भूकम्पको धक्का विभिन्न ठाउँमा महसुस गरिएको छ ।
धौलागिरि गाउँपालिका–४ का वडाध्यक्ष यामबहादुर घर्तीका अनुसार भूकम्पबाट अहिलेसम्म कुनै मानवीय र भौतिक क्षति भएको विवरण प्राप्त भएको छैन । म्याग्दी केन्द्रविन्दु भएर बारम्बार भूकम्प गइरहेको छ ।
यसअघि गत फागुन १३ गते पश्चिम म्याग्दीको डाँडागाउँ आसपास केन्द्रविन्दु भएर ३.४ म्याग्निच्युड, देवीस्थान आसपास केन्द्रविन्दु भएर ३.४ म्याग्निच्युडको र मुना केन्द्रविन्दु भएर ३.५ म्याग्निच्युडको भूकम्म गएको भूकम्प मापन केन्द्रले जनाएको छ ।

























