विराटनगरमा प्रदेश र स्थानीय तह लक्षित अन्तरक्रिया

Share this
732shares
मुलुकी खबर
मुलुकी खबर
clock२०८१ फागुन २५, आइतबार ०७:१५

विराटनगर । विराटनगरमा सोह्रौँ योजनाको कार्यान्वयन तथा समपूरक र विशेष अनुदानलगायतका विषयमा प्रदेश एवं स्थानीय तह लक्षित २ दिने अन्तरक्रिया सम्पन्न भएको छ ।

स्वीस सरकार विकास सहयोग एसडीसी सहयोगमा हेल्भेटासमार्फत सञ्चालित प्रदेश सहयोग कार्यक्रमको व्यवस्थापन तथा कोशी प्रदेशको मुख्यमन्त्री तथा मन्त्रिपरिषद्को कार्यालय र कोशी प्रदेश योजना आयोगको समन्वयमा राष्ट्रिय योजना आयोगले शुक्रबार र शनिबार कार्यक्रम गरेको हो । कार्यक्रममा मध्यमकालीन खर्च संरचना, मध्यमकालीन नतिजा खाका, मध्यमकालीन बजेट खाका, बजेट तर्जुमा अभ्यास र राष्ट्रिय आयोजना बैंक मार्गदर्शन सम्बन्धी जानकारीका बारेमा कार्यपत्र प्रस्तुत गरियो ।

त्यस्तै, राष्ट्रिय आयोजना बैंक सूचना व्यवस्थापन प्रणालीको अभ्यास, चुनौती तथा स्थानीय आयोजना बैंक एवं प्रदेश आयोजना बैंकबीच अन्तरआबद्धताका सम्भावित क्षेत्र, अनुगमन तथा मूल्यांकन : भूमिका, विद्यमान व्यवस्था एवं जिम्मेवारी, स्थानीय तहको मध्यमकालीन खर्च संरचना तर्जुमालगायतका विषयमा कार्यपत्र प्रस्तुत गरिएको थियो ।

कोशी प्रदेशको दोस्रो आवधिक योजना, मध्यमकालीन खर्च संरचना तर्जुमा तथा आवधिक योजना सम्बन्धी अभ्यास र चुनौती, समपूरक तथा विशेष अनुदान सम्बन्धी कार्यविधि, २०८१ र सूचना व्यवस्थापन प्रणाली, प्रमुख सवाल तथा चुनौती, बहुक्षेत्रीय पोषण योजना र कार्यक्रम, प्रदेशमा समपूरक एवं विशेष अनुदानको अभ्यास तथा चुनौतीलगायतका विषयमा समेत कार्यपत्र प्रस्तुत गरियो ।

कोशी प्रदेशका १०३ पालिकाका प्रमुख, उपप्रमुख र प्रमुख प्रशासकीय अधिकृतसमेत सहभागी कार्यक्रममा समूह विभाजन गरेर छलफल गरिएको थियो । राष्ट्रिय योजना आयोगका प्रतिनिधि, कोशी प्रदेश सरकारका प्रतिनिधि, प्रदेश योजना आयोगका प्रतिनिधिलगायतले त्यसको सहजीकरण गरेका थिए ।

कार्यक्रममा कोशी प्रदेश सरकारका मन्त्रीहरु, कोशी प्रदेशसभाका विभिन्न समितिका सभापतिहरु, प्रमुख सचेतकहरु, मन्त्रालयका सचिवहरु, राष्ट्रिय योजना आयोग, कोशी प्रदेश योजना आयोगलगायत विभिन्न राजनीतिक दलका प्रतिनिधिलगायतको सहभागिता थियो ।

कोशी प्रदेशका मुख्यमन्त्री हिक्मतकुमार कार्कीले कोशी सरकारले प्रदेश योजना बैंकको अवधारणा लागू गरेको बताए । आम्दानीको स्रोत बढाउन प्रदेशको आफ्नै आन्तरिक राजस्व कार्यालय स्थापना गर्ने तयारी गरिएको जानकारी उनले दिए ।

उनले योजना छनोट गर्ने, योजनालाई बैंकमा समावेश गर्ने, गाउँगाउँमा छलफल गर्ने, प्रदेशभित्रका आयोजनाहरुलाई समावेश गर्ने लगायत गरेर आफूलाई थप व्यवस्थित गर्न र विधिमा बाँध्नका लागि प्रयास गरेको बताए । नयाँ आर्थिक वर्ष वैशाखदेखि सुरु हुनुपर्नेमा उनको जोड छ ।

वर्षाका कारण विकासका काम प्रभावित हुने गरेकाले आर्थिक वर्ष साउनको साटो वैशाख १ गतेदेखि सुरु हुनुपर्ने उनको माग छ । कार्कीले संघीय सरकारले प्रदेश सरकारलाई दिने अनुदान घटाए पनि प्रदेश सरकारले स्थानीय तहलाई दिने अनुदान नघटाउने स्पष्ट पारे ।

मुख्यमन्त्री कार्कीले पहाडबाट तराई क्षेत्रमा बसाइँसराइ गर्ने प्रवृत्ति रोक्न आवश्यक रहेको बताए । बसाइँसराइ रोक्नलाई तीनै तहका सरकार मिलेर विकासका पूर्वाधारसँगै स्थानीय तहमै रोजगारी सिर्जना गर्न आवश्यक रहेको उनको भनाइ छ । पहाडी जिल्लामा सुरु भएको ४ वटा पदमार्ग निर्माणले २० हजारलाई रोजगारी दिने उनले बताए ।

त्यसैगरी, आर्थिक मामिला तथा योजनामन्त्री रामबहादुर मगरले सरकारले बनाएका योजनाले जनताको आर्थिक अवस्था सुधार हुन्छ कि हुँदैन भन्ने कुरामा ध्यान दिनुपर्ने बताए । जनताको आयस्थर वृद्धिमा सहयोग पुगेन भने सरकारले निर्माण गरेका योजनाले सार्थकता नपाउने उनको भनाइ छ ।

राष्ट्रिय योजना आयोगका उपाध्यक्ष प्रा.डा. शिवराज अधिकारीले स्थानीय अर्थतन्त्र बलियो भयो भने राष्ट्रिय अर्थतन्त्र पनि बलियो हुने बताए । उनले राष्ट्रिय योजना आयोगले पनि परिमार्जित रुपमा काम गर्ने कोसिस गरिरहेको बताए ।

स्थानीय सरकारका लागि कार्यक्रम निकै प्रभावकारी भएको बताइएको छ । कोशी प्रदेशसभा सुशासन तथा योजना समिति सभापति खगेश्वरी पौडेलले प्रदेश र स्थानीय सरकारसँग कसरी समन्वय गर्ने भन्ने कुराहरुको स्पष्ट जानकारी कार्यक्रममा पाएको बताइन् । पालिकाहरुलाई वर्गीकरण गरेर काम गनुपर्ने बताउँदै पौडेलले कोशी प्रदेशका १४ मध्ये ११ वटा जिल्ला पहाडी क्षेत्रमा भएका कारण ती जिल्लालाई प्राथमिकतामा राखेर काम गर्नुपर्नेमा जोड दिइन् ।

इलामको सन्दकपुर गाउँपालिकाका अध्यक्ष तुलाराम गुरुङले अन्तरक्रियाले सिक्नुपर्ने धेरै कुरा बाँकी रहेछ भन्ने महसुस गराएको बताए । यस्ता कार्यक्रमले पुनर्ताजगी गर्ने र काममा सहयोग पुग्ने उनको भनाइ छ ।

इलामको रोङ गाउँपालिकाका प्रमुख प्रशासकीय अधिकृत विनोद चौहानले कार्यक्रममार्फत कानुनी व्यवस्था, कानुनी अड्चनलगायतका विषयमा जानकारी हुनुका साथै योजना निर्माण गर्दा ध्यान दिनुपर्ने धेरै कुराहरु पुनर्ताजगी भएको बताए । कामलाई अझ व्यवस्थित तरिकाले अघि बढाउन कार्यक्रमले मद्धत पुग्ने उनको भनाइ छ ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.