
काठमाडौं । मुलुकको संघीय राजधानीमा वायु प्रदूषण अत्यधिक बढेको छ । केही समययता काठमाडौंमा प्रदूषण उच्च छ ।
काठमाडौं आज (सोमबार) प्रदूषितमध्ये विश्वकै तेस्रो नम्बरमा छ । ‘एयर क्वालिटी इन्डेक्स’का अनुसार पहिलो नम्बरमा भियतनामको हनोई छ भने दोस्रो स्थानमा भारतको राजधानी नयाँ दिल्ली छ ।
तेस्रो नम्बरमा रहेको काठमाडौंको समग्र वायु गुणस्तर सूचकां एक्यूआई १९७ छ । हनोईको एक्यूआई २३८ र नयाँ दिल्लीको एक्यूआई २०२ छ ।
एक्यूआई ५० सम्मको वायु स्वस्थकर मानिन्छ । एक्यूआई १०१ देखि १५० ‘अस्वस्थकर’ तथा एक्यूआई २०१ देखि ३०० सम्म पुगेमा ‘अति अस्वस्थकर’ मानिन्छ । त्योभन्दा मागि ‘खतरनाक’ हो ।

























