झापामा पत्नी मृत भेटिइन्, पति घाइते अवस्थामा फेला

Share this
726shares
मुलुकी खबर
मुलुकी खबर
clock२०८१ चैत १२, मंगलबार १८:३५

विराटनगर । झापाको कनकाई नगरपालिका–५ मा मंगलबार बिहान घरभित्र पत्नी (श्रीमती) मृत अवस्थामा र पति (श्रीमान) घाइते अवस्थामा फेला परेका छन् ।

ताप्लेजुङ सिमला घर भइ हाल कनकाई–५ स्थित नारायण दल चोकमा योगेन्द्र बस्यालको घरमा डेरा गरी बस्ने ४० वर्षीया मनिषा मंग्रान्ती मृत अवस्था भेटिएकी थिइन् । ३९ वर्षीय उनका श्रीमान लालबहादुर सार्की गम्भीर घाइते अवस्थामा फेला पारेर थिए ।

घाइते अवस्थामा फेला परेका सार्कीलाई तत्कालै उपचारका लागि बिर्तामोडको बी एण्ड सी अस्पताल लगिएको कोशी प्रदेश प्रहरी कार्यालय विराटनगरले जनाएको छ । मृत मनिषा र घाइते लालबहादुर श्रीमान–श्रीमती हुन् ।

खुकुरी प्रहार भइ घटना भएको भन्ने खबर प्राप्त हुनसाथ प्रहरी परिचालन गरिएको प्रदेश प्रहरी प्रवक्ता एसएसपी भीमबहादुर दाहालले बताए । उनले भने, ‘प्रहरी पुग्दा श्रीमती (मनिषा) मृत अवस्थामा भेटिएकी थिइन् । अर्को कोठामा उनका श्रीमान लालबहादुर गम्भीर अवस्थामा भेटिएका थिए । उनको घाँटीमा धारिलो हतियारले रेटेको देखिन्छ । तत्कालै लालबहादुरलाई उपचारका लागि अस्पताल पठायौं । उनको उपचार भइरहेको छ ।’

मनिषालाई हतियार प्रहार गरी हत्या गरेको भनिए पनि घटनास्थलमा हेर्दा त्यस्तो नदेखिएको प्रहरीले जनाएको छ । प्रहरीका अनुसार मनिषा सोही घरको कोठाको भुइँमा मृत अवस्थामा भेटिएकी थिइन् ।

कोठाको काठको बलोमा नाइलनको सल झुण्डिएको अवस्थामा रहेको थियो । घटनाको प्रकृति हेर्दा मृतक सलको पासो लगाई झुण्डिएको र पछि पासो खोलेको जस्तो देखिएको छ । उनको घाँटीमा सलको पासोको डाम देखिएको र धारिलो हतियार प्रहार भएको नदेखिएको प्रहरीले जनाएको छ ।

प्रहरीको प्रारम्भिक अनुसन्धानबाट सोमबार राति श्रीमान–श्रीमतीबीच विवाद भएको खुले पनि त्यही विवादका कारण घटना भएको हो कि हैन भनेर यकिन भइनसकेको एसएसपी दाहालले बताए । उनका अनुसार घाइते अवस्थामा भेटिएका श्रीमानको उपचार ठीक भइसकेपछि घटनाको वास्तविकता पत्ता लाग्ने अपेक्षा छ ।

मृतक मनिषाको शवको पोस्टमार्टम रिपोर्ट आएपछि धेरै विषय पत्ता लाग्ने प्रहरीको भनाइ छ । विभिन्न कोणबाट घटनाको अनुसन्धानबाट थालिसकिएको बताउँदै दाहालले चाँडै नै यथार्थ कुरा बाहिर आउने बताए ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.